تعليق ناري من عمرو أديب على سقوط الأهلي أمام باتشوكا

علق الإعلامي عمرو أديب على خسارة الأهلي أمام باتشوكا المكسيكي بركلات الترجيح في نصف نهائي بطولة كأس التحدي.

وقال أديب خلال برنامج 'الحكاية' المذاع على قناة 'أم بي سي مصر': 'باتشوكا فريق ولا ليه أي معني ولا فرقة وواضح أنه مكسيكي مضروب باتشوكا ده تعبان كان لازم يتغلب عادي تلاتة أربعة وشوفنا الفرص اللي ضيعها الأهلي ولاعبية باتشوكا واقفين على ارض الملعب لا يصدقون أنفسهم'.

وأضاف: 'الأهلي كان بيلعب مع فريق ترتيبه الـ 16 ويخسر بمرارة وبغلاسة وهارد لك صحيح للنادي الأهلي اللي خسر من باتشوكا نمرة 16 من 18 فريق في الدوري المكسيكي'.

وتابع: 'للأسف كان ممكن يبقي في انتصار ونستني المواجهة بين مودرتش وأفشة والمباراة تضيع بلا أي سبب واضح وتحس أن الزمالك اللي كان بيلعب لأنه بيخسر بدون سبب واضح'.

وأكمل: 'حاجة ما النهاردة خلت الحظ يبعد عن النادي الأهلي لأن الأهلي كان دايما يجيب جول في أخر دقيقة، العيال المكيسكيين بيرقصوا رقصة مكسيكية في منتصف الملعب القطري ومش مصدقين'.

وخسر الأهلي أمام فريق باتشوكا المكسيكي بركلات الترجيح بنتيجة 6-5 رغم تقدمه في البداية بركلتين دون رد.

وأهدر محمود عبد المنعم كهربا وعمر كمال عبد الواحد وخالد عبد الفتاح لاعبي الأهلي ثلاثة كلات ترجيح لينتهي اللقاء بفوز الفريق المكسيكي، وتأهله لمواجهة ريال مدريد الإسباني في نهائي البطولة.