أحمد موسى عن تهجير الفلسطينيين: إحنا دعاة سلام.. لكن هندافع عن أرضنا

أكد الإعلامي أحمد موسى أن مصر لن تقبل على الإطلاق بما طرحه الرئيس الأمريكي دونالد ترامب بشأن تهجير الفلسطينيين من قطاع غزة إلى مصر والأردن.

وقال موسى خلال برنامج 'على مسؤوليتي': 'علاقتنا استراتيجية مع الأمريكان ولكن لن نقبل من أمريكا وغير أمريكا أنهم يضغطوا علينا ولن نقبل من أحد أبدا أنه يتكلم معانا في أي شيء ولا حد يقولنا اعملوا مفيش حاجة اسمها اعملوا'.

وأضاف: 'إحنا مدخلين معدات لعمل إصلاحات في غزة ودا اللي نقدر نعمله، إسرائيل تدفع تمن مش تاخد مكاسب إسرائيل ارتكبت جرائم حرب وتحاكم وتدفع تمن هو أنت هتكافئ إسرائيل على قتل أكثر من 50 ألف واحد في قطاع غزة وتيجي تقول غزة غير قابلة للحياة'.

وتابع: 'المجتمع الدولي يدخل يبني والناس موجودة واللي هيترحل مش هيرجع تاني ويقولك هنرحلهم وقد تكون فترة قصيرة أو طويلة واللي هيخرج والله ما هو راجع ولا عايزين طويلة ولا مؤقتة ولا ساعة ولا يوم ولا نسمح لأي حد في العالم لا ترامب ولا غيره'.

وواصل: 'الموضوع مش فرض عضلات في جيش وفي شعب ولن يسمح أبدا بتمرير أي مؤامرة ضد مصر ولا أحد يسمح أبدا بتمرير هذه المؤامرات ضدنا ولن يسمح أبدا زي ما نتنياهو قال هغير الحدود ولكن مش مع مصر'.

وأوضح: 'إحنا دعاة سلام ولكن والله هندافع عن ارضنا إذا تطلب الأمر وتبقوا حريصين على السلام مع مصر وأمريكا تكون وسيط محايد وحريص على السلام ومصر مش أي دولة أكبر دولة وأكبر جيش وفي الحروب عادة الجميع خسران ولكن السلام هو الأهم'.

وذكر: 'السلام من سنة 1979 على الجميع وعلى إسرائيل والولايات المتحدة أن تحترم السلام ومعاهدة السلام وترامب يعلم هذا الأمر وعارف يعني إيه مصر ولا أحد أبدا يقدر يجبر مصر على أنها تاخد قرار تحت الضغوط ولن يحدث'.

واختتم: 'الجميع يحافظ على السلام وهي مصلحة للعالم كله ومصلحة العالم أن يستمر السلام بين مصر وإسرائيل وبالمناسبة كل واحد يعتمد على نفسه والنهاردة بقول كده عشان عارف قدرات جيشنا العظيم في أي وقت'.