عصام الحضري: جوزيه جاب نادر السيد عشان يبطلني كورة

قال عصام الحضري كابتن الأهلي ومنتخب مصر السابق: 'كان فيه خلافات كتير بيني وبين مانويل جوزيه، منها إنه كان بيحاربني في مسألة الاحتراف رغم إنه قالي امشي، والخلاف حول شارة الكابتن، بعيدا عن زمايلي اللي ليهم كل الاحترام والتقدير'.

وأضاف 'الحضري'، خلال حواره ببرنامج 'العرافة' تقديم الإعلامية بسمة وهبة عبر فضائية النهار: 'مانويل جوزيه جاب نادر السيد عشان يبطلني كورة، وأساء ليا في معاملته مع الناس'.

وعلق على ما قاله جوزيه عنه إنه بخيل وأناني: 'يقول اللي يقوله، ولما أنا أناني؛ لاعبتني ليه وما خلتنيش أحترف ليه؟، طبعا عشان أنا اللي بكسبك بطولات مع زمايلي، وتاريخ الحضري واللعيبة اللي كانت موجودة، كانت سبب في بطولات مانويل جوزيه، واحترامنا ليه؛ عشان مدير فني'.

وتابع: 'مانويل جوزيه كمدير فني بيفهم ومدير فني عالمي بس بدون اللعيبة والجيل الذهبي ماكانش هيعمل حاجة'.