اخبار مصر
موقع كل يوم -الرئيس نيوز
نشر بتاريخ: ١٧ أذار ٢٠٢٥
أكد الإعلامي أحمد موسى، أن هناك توافر لكل السلع الغذائية خلال شهر رمضان المبارك، مشيرا إلى عدم وجود شكاوى من وجود أي نقص أو ارتفاع كبير في الأسعار.
وقال “موسى” خلال برنامج 'على مسؤوليتي' المذاع على قناة 'صدى البلد': 'إحنا النهاردة 18 رمضان في حد النهاردة نزل ملقاش طماطم؟ أسعار الطماطم إيه بالمناسبة؟ أسعار الخضار أخبارها إية في رمضان ؟ طيب السنة اللي فاتت كان بكام والسنادي بكام'.
وأضاف: 'دايما بتكلم مع أهلي في البلد وأطمن عليهم وسألتهم تحديدا على الطماطم قالولي القفص تمن الكيلو يادوب 2-2.5 كيلو الطماطم وتخيل السنة اللي فاتت كنا بنتكلم على 30 و35 جنيه'.
وتابع: 'إتاحة السلع دا مش جهد دولة؟ مش في شعب 120 مليون بيفطروا ويتسحروا؟ هل اختفى الرز؟ مكرونة أخبارها إية؟ الفول والطعمية أخبارها اية؟ هل في حد نزل يدور على حاجة ولقى سعرها وقالك الحقوني ضرب السعر في تلاته أربعة'.
وأكمل: 'دا جهد للدولة وقبل رمضان السيد الرئيس عمل عدة اجتماعات عشان نوصل للي احنا موجودين فيه النهاردة وليس هناك أزمة في رمضان وقرب رمضان يخلص ومحدش اشتكي من وجود ارتفاع في أسعار السلع خلال الـ17 يوم اللي فاتوا على الأقل'.
وواصل: “الدولة بتعمل كل حاجة لها خطة والنتيجة بتاعتها بتيجي على مدى ولكن الدولة شغالة على خططها وبتعمل كل حاجة ليها احتياجها والنهاردة بنتكلم على مشروعاتها اللي بتتعمل”.
