مصطفى بكري: الشعب المصري يدرك المؤامرة.. وإحنا بنصبر على أي أزمة

أكد الإعلامي مصطفى بكري أن الشعب المصري لديه الوعي والإدراك للمحاولات الإخوانية التي تستهدف هدم الدولة المصرية.

وقال بكري خلال برنامج 'حقائق وأسرار' المذاع على قناة 'صدى البلد': 'الشعب المصري وجه رسالة لكل من يعنيه الأمر دي رسالة للخونة اللي موجودين برة وبيظنوا البلد دي مستباحة، أنتوا معروفين، أنتوا خدتوا الحكم لمدة سنة عملتوا إيه؟ خربتوا البلد دمرتوا كيان الدولة، وأشعتوا الكراهية والحقد بين الناس واعتديتوا على دور العبادة، وعملتوا فتنة في البلد، وضربتوا المؤسسات وسعيتوا لأخونة الدولة'.

وأضاف: 'أنا براهنكم بكرة لو مواطن واحد طلع اعملوا اللي عايزين تعملوه، ورهاني ناتج عن وعي الشعب المصري وإدراك الشعب المصري لخطورة المؤامرة إحنا بنصبر على أي أزمة بس بنحمي بلدنا بنحس بالأمن والأمان'.

وتابع: 'تاجر الفاكهة ده لو في خراب هيعرف ينصب العربية ويبيع، بتاع التوكتوك هيعرف يتجول؟ لازم الناس يبقى عندها إدراك يقيني أن الشعب المصري محدش هيضحك عليه ولا حد هيعرف يدخل شائعة واحدة في دماغه'.

وواصل: 'الناس على يقين وعلى ثقة أن مصر دي أولا ربنا حاميها وفيها أمن واستقرار، فيها أمن قومي وأمن داخلي بدم الناس اللي ضحت على الحدود وداخل البلد وفي الشوارع وفي المؤسسات عشان البلد دي تقف على رجليها'.

وأوضح: 'الشركة تحملت تطاول وسفالة من ناس كان عندها أجندات، أوعوا تفتكروا أن واحد بيحب البلد دي هيعتدي على شرطة، والا يسب جيش هيبقي خاين على طول الشعب المصري بحضارته وأدرك تحديات المرحلة، لما تتكلم مع حد أه إحنا زعلانين من الحكومة بس دي بلدنا منفرطش فيها، واليقين ده في عقل كل مصري'.

واختتم: 'أنت قاعد برة بتحركك المخابرات الأمريكية ومتصور بأن بإشارة منك الشعب المصري يطلع يولع في بلده ويخربها، والحقيقة أنا على يقين وثقة أن الشعب المصري في كل مرة بيدي دروس من 14 سنة يقولك في 25 يناير الناس طالعة وبعدين 11-11 ومفيش حاجة وكل دي أقلام بيديها المصريين على وش أي خاين وأي متآمر'.