عمرو أديب يطالب بالتحقيق في مشاكل الطريق الإقليمي بالمنوفية: مين اللي بيستلم؟

أكد الإعلامي عمرو أديب أن الدولة عليها أن تكشف عن الخلل الذي أصاب الطريق الإقليمي بالمنوفية والذي يشهد حوادث بشكل مستمر.

وقال أديب خلال برنامج 'الحكاية' المذاع على قناة 'أم بي سي مصر': 'الطريق ده مشاكله أيه لماذا هبط؟ من حق الناس تعرف اللي حصل، النهاردة الرئيس عبد الفتاح السيسي طلب مراجعة أعمال الصيانة وحالة الطرق'.

وأضاف: 'لو سمحتم عايزين نشوف صيانة الطرق وأيه مشاكلها وهذا العهد تميز بالطرق، وعندما يبدأ الناس في الحديث هو اللي حصل في الحادثة دي أنها كاشفة وابتدا ناس تقولك في طريق في سوهاج أو أشمون أو طنطا'.

وتابع: 'فلوس الناس وفلوس البلد مفهوم أنه كان مطلوب تحقيق سرعات في إنهاء المشاريع ولكن يبدو أن هناك أشياء لم يتم اتقانها وهو شيء وارد فعل يمكن نعمل لجنة تحقيق ونأخد هذا الطريق نموذج هو الطريق ده مشاكله أيه ومين مسؤول عنه؟'.

وأكمل: 'لما تحب تكلم حد في البلد عن الطريق ده تكلم مين؟ مين بيستلم؟ عندنا حاجة غريبة شوية أن اللي بينفذ هو اللي بيستلم، أنا جاي في سلام اليوم عايزين؟ مش عايزين خلاص اقتراح وارموه ولكن ابشر أنك هتفضل ترى من ذلك كثير'.

وأوضح: 'الشعب والرأي العام حين يرى الإدارة المصرية جادة في هذا الأمر هينبسط أنا بكلمك عن طريق النهاردة فيه 3 حوادث، مين مسؤول عن الكلام ده الميغة دي أيه السلطة دي أيه'.

وذكر: 'أنا كنت امبارح شايف أن مجلس النواب احتمال يعمل حاجة ولكن زي كل مرة امبارح كنا سخنين والنهاردة أهدى وبكرة في مصيبة تانية'.

واختتم: 'احنا عايزين نفهم الأشياء بتتعمل صح ولا لأ اطلع قولي لا كل شيء عظيم عشان تناموا باليل وضميركم مستريح'.