عمرو أديب يعلق على خسارة الزمالك: دايما رافعين ضغطي ومنكدين عليا

علق الإعلامي عمرو أديب على خسارة الزمالك أمام وادي دجلة بهدفين مقابل هدف في المباراة، التي أقيمت بينهما مساء اليوم ضمن منافسات بطولة الدوري.

وقال “أديب” خلال برنامج 'الحكاية' المذاع على قناة 'إم بي سي مصر': 'قلبي يقطر دمًا أنا قبل ما أدخل البرنامج كان الزمالك كسبان 1-0، دلوقتي وادي دجلة كسبان 2-1 والله العظيم يا ابني النهارده التويته اللي كتبتها كانت من قلبي، قلبي زي قلب الأم كنت حاسس، ودلوقتي قلبي بيقطر دم زي ما قطر دم على الأهلي امبارح'.

وأضاف: 'نيجي أول السيزون نقول الزمالك في القمة والأهلي بيتدهور نيجي آخر السيزون الأهلي في القمة والزمالك يتدهور إحنا دلوقتي ابتدينا ننقط، أول نقطة راحت، أو بالأدق أول ثلاث نقط راحوا يا جدعان، ده النادي اللي بيصارع الأهلي على البقاء! إيه اللي حصل؟'.

وتابع: 'كل سنة نفس الفيلم الأهلي يسيب لنا شوية، فنقول درجن درجن وبعدين فجأة في التصوير البطيء تبتدي درجن درجن ونتغلب! وأنا قاعد أتكلم في السياسة والسفارات، ووادي دجلة كسبان 2-1'.

وواصل: 'قلبي يقطر دمًا منكم لله يا جدعان، دايمًا رافعين ضغطي ومنكدين عليا نصيحة من زملكاوي قديم فيلم الأهلي يتدهور والزمالك على القمة اتعرض بنجاح عظيم على مدى السنين. وبالأمارة نهايته دايمًا إن الزمالك يتدهور والأهلي يطلع القمة'.