حنان مطاوع تروي تفاصيل لحظة تلقيها خبر وفاة والدها

كشفت الفنانة حنان مطاوع، في حوار مؤثر مع منصة «Gossips»، عن تفاصيل أصعب لحظات حياتها، وهي لحظة معرفتها بوفاة والدها الفنان الراحل كرم مطاوع، مؤكدة أن الموقف كان يفوق قدرتها على الاستيعاب، خاصة وأنها كانت في السابعة عشرة من عمرها فقط وقتها.

وقالت حنان مطاوع:'كنت كل يوم في المستشفى بشوفه أوحش من اللي قبله.. كنت عايزة أقوله وأسمع منه كتير.. كان موقف صعب ومكنتش مستوعبة لحظة وفاته'.

وأوضحت أن أول تنبيه لها بأن الأمر خطير جاء من خلال مكالمة هاتفية من ابن عمها:'كلمني وقالي عمو كرم عايز يشوفك، فقلتله هو عايز يشوفني ولا في حاجة حصلت وعايزني أجي؟... دماغي كانت مليانة سيناريوهات، هل هقدر أشوفه وأقوله إني بحبه؟ ولا مش هلحق؟'.

وعند وصولها إلى المستشفى، تصف حنان الموقف المؤلم بقولها:

'لقيت الدنيا مقلوبة وفي صحفيين كتير هناك، كنت متلغبطة في كل حاجة، وبدعي ربنا يشفيه وهو قدامي متوفي، واتلغبطت في كل آيات القرآن اللي حفظاها'.

واختتمت حديثها قائلة:'مكنتش مستوعبة ولا فاهمة اللي بيحصل... الموقف كان أكبر من قدرتي كبنت عندها 17 سنة'.