أحمد موسى يطالب بتأجيل نهائي كأس مصر بين الزمالك وبيراميدز

طالب الإعلامي أحمد موسى بتأجيل نهائي بطولة كأس مصر الزمالك وبيراميدز والمقرر إقامتها يوم غد الخميس في الثامنة والنصف مساءً.

وقال موسى خلال برنامج 'على مسؤوليتي' المذاع على قناة 'صدى البلد': 'بكرة عندنا نهائي كأس مصر نادي الزمالك المحترم ونادي بيراميدز المحترم وأتمنى بكرة الماتش ميبقاش الساعة تمانية ونص الناس صايمة والإفطار بكرة الساعة 8'.

وأضاف: 'الناس صايمة وحر موت، انتوا عايزين تتعبوا الناس ليه؟ ما تخلوا الماتش الساعة عشرة هو في حاجة مخلياكم مستعجلين؟ ليه إجهاد اللاعيبة والجمهور'.

وتابع: 'خلوها الساعة عشرة والناس تسهر وليلة العيد ايه المشكلة يعني ونفرح وربنا يكرم واللي يفوز نقوله مبروك ليه 8.5؟ صيام وحر ونتعب الناس'.

وواصل: 'ارجوكم راجعوا هذا القرار قدامنا وقت يعني لما نطلع قرار اجلنا الماتش للساعة 10، انما تمانية ونص وافطار في الاستاد ما الجمهور يفطر ويروح بعد كده الاستاد براحتهم والأجواء جميلة وافراح والناس تحتفل'.

وأوضح: 'خلوا الماتش بكرة الساعة عشرة ادوا فرصة للناس تتفرج وتتابع ادوا فرصة للناس تصلي وتفطر براحتها ميبقاش كله جري'.

ومن المقرر أن تقام المباراة غدًا الخميس في تمام الثامنة والنصف مساءً بتوقيت القاهرة

وتذاع عبر قناة اون تايم سبورت 1.

ويدير اللقاء طاقم حكام مكون من الحكم محمود بسيوني يعاونه سامي هلهل ويوسف البساطي مساعدين الحكم الرابع محمد يوسف تقنية الفيديو، الثلاثي حسام عزب وأحمد توفيق طلب ووائل فرحان.