أكد الدكتور علي سالم، أستاذ علم النفس الاجتماعي المساعد بكلية الآداب جامعة حلوان، على أهمية تعليم الأطفال كيفية التعامل مع حالات التحرش والتعرض للأذى، مشددًا على ضرورة تربية الأطفال على فهم حدود أجسادهم والتمييز بين التصرفات الصحيحة والخاطئة، وذلك في سياق حماية الطفل من المخاطر المختلفة.

وقال سالم: 'هنتعلم ده من أول إن احنا نعلمه إزاي يحفظ مساحته الشخصية؟ يعني إيه اللي صح وإيه اللي ما يصحّش؟ لأن مش كل التصرفات تعتبر تحرّش، لازم يعرف يعني إيه تحرّش الأول'.

وأضاف: 'التحرّش هو اللمس المقصود من أشخاص آخرين في مناطق معينة، إذا ده هيبقى تحرّش، لازم نعرف ذلك جيدًا، السياق اللي بيتم فيه السلوك مهم، وده اللي هيحدّد رد الفعل، وإذا حصل تحرّش وكان فيه أشخاص موجودين، يطلب منهم المساعدة، أما إذا كان التحرش بشكل منفرد، والطرف الآخر لديه صلاحيات وقوة، فقد يُعتبر اعتداء'.

وأشار سالم إلى أنه من المهم تعليم الطفل كيف يتعامل مع مثل هذه المواقف بحذر وذكاء، قائلًا: 'أعطِ الطفل الحلول المتاحة للتصرف الصحيح في المواقف، ولا تتركه في مكان قد يعرضه للمخاطر، مثلًا، ابتعد عن الأشخاص الأقوياء، ولا تقبل هدايا مثل الحلويات أو الألعاب التي قد تُستغل للابتزاز أو التحرش'.

وأوضح: 'يبقى أول حاجة: ما تحطّش نفسك في مواضع ممكن يصدر عنها سلوك متحرّش، زي إنك تبقى قريب من شخص قوي، أو إنك تقبل حاجة من حد كبير ما ينفعش إنك تقبلها منه، زي إنه يجيب لك حلويات، يجيب لك مصّاصات، يجيب لك شيبسيهات... أو إنك تروح مع أي حد في مكان بعيدًا عن أنظار الناس، ما تقعدش مع حد في مكان لوحدك'.

وأضاف: 'يبقى أنا هنا بحجّم أو بمنع أو بقلّل من احتمالية إن الولد يتحطّ في موقف يتعرّض فيه للتحرّش، لأنه خلي بال حضرتك، أغلب حالات الاعتداء أو حالات التحرش بتبقى... يعني مش مترتّب لها، واحد قاعد في مكان مهجور ما فيهوش ناس، وفي فراغ، والطاقة بتلحّ عليه، فيلاقي عيّل معدي، يقوم واخده... حاصل اللي حاصل! ودي شفناها كتير جدًا جدًا، لكن مش بالضرورة تكون مقصودة'.

وتابع قائلًا: 'خلي بالنا، أغلب حالات الاعتداء أو التحرش تحدث في أماكن مهجورة أو خالية من الناس، إذا قللنا من تلك الظروف، سنقلل احتمالية حدوث تلك الحوادث'.

وأضاف: 'تعليم الطفل أن جسمه له حدود، وأنه لا يجب أن يسمح لأحد بلمسه في أماكن معينة، هو خطوة مهمة نحو حماية الطفل من أي أذى قد يتعرض له'.

https://www.youtube.com/watch?v=QZaGQ9ZgBm0