تناولت الإعلامية نهال طايل، خلال تقديمها برنامج 'تفاصيل'، المُذاع عبر فضائية 'صدى البلد 2'، مأساة 'فرح' حيث حرمها زوجها من حقوقها وطفلها.

وقالت فرح: 'زوجي طلب مني يعمل معايا علاقة غير شرعية، ولما رفضت قالي المتزوجين كلهم بيعملوا كدا، قولتله عمري ما أعمل حاجه حرام'.

وأضافت: 'لما اشتكيت لوالدته قالتلي حرام عليكي متتبليش عليه لأنهم بيخافوا منه علشان هو عصبي، وشوفت أيام سوده في حياتي'.

وأردفت: 'اتجوزت لمدة 4 سنوات واتحول في المعاملة معايا بعد شهرين من الزواج.. اتنمر عليا وقالي يا تخينة انتي تربية زرايب، وكان بيشتمني قدام الناس، وكنت ببقى في نص هدومي قدام الناس'.

واسترسلت: اتجوزت من 4 سنين، وأنا في ثانية كليه اتجوزت، وزوجي اتقدملي عن طريق حد قريبي، اتخطبت لمدة 4 شهور، وفي البداية كان شخص آخر في فترة الخطوبة، وكان بيصلي الوقت بوقته، واطلقت منه علشان بيعمل حاجات حرام، وكان بيكلم بنات كتير، وكان بيعمل حاجات حرام وأنا نايمه جنبه على السرير، وكان بيفطر في رمضان'.