فنان شاب يكشف عن تعرّضه لأزمة صحية أبعدته عن الفن عامين

نشر الفنان الشاب آدم الشرقاوي، عبر حسابه الخاص في 'إنستغرام' صورة له كشف من خلالها سبب غيابه عن الساحة الفنية لمدة عامين، موضحاً أنه تعرّض لعدد من الأزمات الصحية بسبب الوزن الزائد.

وظهر آدم في الصورة وقد خسر الكثير من وزنه، وعلّق عليها قائلاً: 'كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جداً، كنت قريب من 110 كيلو (250 رطل)، ما كنتش قادر أتنفّس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى'.

وتابع: 'كنت بكره كل حاجة في نفسي، وما كنتش بعرف نفسي خالص لما أبصّ في المراية. دلوقتي أقدر أقول إني أصحّ من أي وقت فات، رجعت لوزني الطبيعي 80 كيلو (180 رطل)، بحس إني رياضي أكتر من أي وقت، موجود جداً في اللحظة (مافيش ضباب دماغ)، وكل أعضائي شغّالة تمام'.

واختتم آدم الشرقاوي تعليقة بالقول: 'حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته. بشكر ربنا إنه خلّاني أمرّ بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكراً لكل الناس اللي بتدعمني'.

يُذكر أن فيلم 'شماريخ'، الذي عُرض عام 2023، هو آخر أعمال آدم الشرقاوي الفنية، وقد شارك في بطولته مع الفنانين: آسر ياسين، أمينة خليل، خالد الصاوي، سامي مغاوري...، وهو من تأليف وإخراج عمرو سلامة.