وجه الإعلامي أحمد شوبير رسالة لمجلس إدارة نادي الزمالك، برئاسة حسين لبيب، مطالباً إياهم بضرورة وضع لوائح وضوابط.

وقال شوبير، في تصريحات إذاعية عبر 

برنامجه المذاع على “أون سبورت إف إم»: ”من فضلك يا مجلس إدارة الزمالك، حط لوائح واشتغل عليها، مش مهم تخسر كل البطولات في سنة، ولكن تكسب إنك تحط ضوابط ولوائح ونظام، عشان كل واحد يبقى عارف إن اللي هيغلط هيتحاسب'.

وأضاف: 'الزمالك خسر بالأمس أمام الاتحاد في نصف نهائي كأس السلة، وجماهير الزمالك مابلتش ريقها ببطولة في كافة البطولات ومختلف الفرق من سلة وطائرة ويد وغيرها'.

وأكمل: 'أنت مش بتشتغل لنفسك، أنت بتشتغل لنادي الزمالك، الكلام ده قواعد للمستقبل، يعني لو لاعب عمل تصرف خاطئ أنت اللي تعاقبه مش أنت اللي تعمل بيان تدافع عنه'.

وأردف: 'النادي أكبر من أي لاعب، اللي عايز يمشي بألف سلامة، النادي يعمل أفضل وأحسن منه، وملاعب الكورة في الزمالك لازم تتجدد، واصرف عشان تعرف تطلع أجيال كويسة'.

وأتم: 'هو في إيه؟! ليه كده!، الناس بتتعشم خير في ناس، ولكن للأسف آمالها تذهب أدراج الرياح'.

مباراة الزمالك القادمة

ويستعد فريق الزمالك لمواجهة سيراميكا كليوباترا المقرر لها يوم الجمعة المقبل ضمن منافسات الجولة  الخامسة لمباريات المرحلة النهائية لمسابقة الدوري المصري الممتاز.