أكد الإعلامي أحمد موسى، أن الفترة المقبلة سوف تشهد صراع بين الدول التي لديها مصالح في سوريا بعد سقوط نظام بشار الأسد.

وقال موسى خلال برنامج 'على مسؤوليتي' المذاع على قناة 'صدى البلد': 'الخناقة اللي جاية كبيرة جدا إسرائيل بيدعموا الأكراد والأمريكان بيدعموا في حين أن تركيا ترفض تماما أن يكون هناك دولة كردية داخل سوريا وبيعتبروا ده تهديد للأمن التركي'.

وأضاف: 'الأمر التاني أن يكون هناك دولة للدروز على الساحل السوري ومعاهم العلويين ثم دولة للسنة اللي هي التنظميات يعني في الوسط والجنوب السوري ودا الكلام اللي حاصل دلوقت إذا إحنا بنتكلم من أول يوم على التدخلات الكبيرة في سوريا تدخل أمريكي وتركي وتدخل إسرائيلي صهيوني'.

وتابع: 'ما يعنينا دائما مؤسسات الدولة الوطنية والدولة الوطن والشعب السوري ودا اللي لازم نحافظ عليه كلنا باصين على الدولة السورية ووحدة أراضيها وطبعا وحدة أراضيها دي بيد الناس اللي في أيدهم الحكم'.

وواصل: 'إسرائيل دخلت إمبارح واخدت 240 كم وإسرائيل تستغل ما يحدث في سوريا وتحتل أراضي جديدة احتلوا جبل الشيخ والمنطقة العازلة ولم يدخل فيها جيش الاحتلال منذ 1974 وإمبارح شالوا السور الحدودي ودخلوا خدوا 14 كم عمق بطول الحدود إسرائيل احتلتها إمبارح وقاعدين فيها جيش الاحتلال أنت النهاردة بتحتل أراضي والناس مشغولة في الاحتفالات وجيش الإحتلال بيدمر في سوريا'.

وأوضح: 'دخلوا خدوا المساحة دي من غير إطلاق رصاصة واحدة والمساحة اللي خدوها دي أكبر من نص غزة مفيش جيش سوري ومفيش حد موجود أدخل احتل المكان ده بنتكلم عن الجولان المحتل وجبل الشيخ أعلى منطقة في سوريا وكل ده مكاسب لجيش الاحتلال'.

وأكمل: 'مكانش حد موجود القوات السورية مش موجودة والدول عندما تسقط وعندما تسقط الجيوش أي حد يقدر ياخد اللي هو عايزه ونفتكر في 2011 سد الخراب الإثيوبي اتبنى حجر الأساس في 2011 وعندما يتم إسقاط الدول كل واحد ليه طلب بياخده'.

وأوضح: 'الناس قاعدين يحتفلوا والتنظيمات تحتفل وإسرائيل تتوغل في الأراضي السورية بدون بيان إدانة لا الجولاني أصدر بيان إدانة ولا المعارضة اتكلموا ولا الحكومة وكأن الأرض دي مش بتاعتكم إزاي تسمح بهذا الأمر من غير ما تطلع حتى بيان إدانة'.

واختتم: 'إسرائيل تتوسع داخل الأراضي السورية والناس بتحتفل وبلدهم بيتم احتلالها وجيش الاحتلال بيتوغل لأول مرة من 50 سنة'.