ظهر النائب محمد أبو العنين على الهواء مباشرة بصحبة الإعلامي أحمد موسى في أول حلقة لبرنامج على مسؤوليتي بعد عودة موسى من إجازة بعد أن تلقي الرعاية الطبية إثر وعكة طبية ألمت به.

وقال أبو العنين خلال برنامج 'على مسؤوليتي' المذاع على قناة 'صدى البلد': 'الحقيقة النهاردة يوم سعيد علينا كلنا ونعده من الأيام المحفورة بحب وتقدير لزميل وأخ فاضل وهو أحمد موسى والحقيقة أنا النهاردة أصريت اصطحبه النهاردة ولكن الحقيقة فرحتي النهاردة أنه جه وسعادتي لأنه في قلبي لهذا الرجل تقدير كبير'.

وأضاف: 'اكتشفت خلال الأسبوع الماضي أن التقدير مش عندي بس دا عنده رصيد ضخم لكل وطني محب لمصر ولكل من قال لا إله إلا الله عمق ووطنية ووفاء وإخلاص لوطنه'.

وتابع: 'حين تعرض الأسبوع الماضي لوعكة صحية بسيطة جدا وأنا قلت له متجيش القناة أقعد وارتاح وكان مصر أن يجي وعايز يجي ويقدم البرنامج وأقسمت له أنه ميجيش قلتله اقعد ريح أنت شغال معانا من 10 سنين مخدتش يوم إجازة'.

وأوضح: 'هو سمع الكلام وربنا كرمه وأنا كنت بتلقي كل المراسلات والأسئلة وكل التعليقات اللي حصلت الأسبوع اللي فات وتلقيت كم ضخم جدا استحوذ على وقتي هو ايه اللي حصل وهيرجع امتي؟ يا خوانا مفيش حاجة حصلت الراجل واخد قسط من الراحة عشان عنده شوية التهابات والدكتور نصحه وهو كان مصر أنه يجي'.

وواصل: 'اللي شوفناه كان قد ايه كم التقدير والاحترام لأحمد موسى والنهاردة كلموني من الصعيد وبيسمعوني المزمار البلدي في صعيد مصر وأنا قلتلهم النهاردة إن شاء الله هتشوفوه الساعة 8 التعليقات الوطنية المحترمة اللي كانت بتقال لأحمد موسى عشان ظهوره وتعليقات تاريخه المحترم الوطني'.

واختتم: 'أنا يا أحمد عرفت غلاوتك وقدرك عند الشعب المصري ومش بس الشعب المصري بس دول كلموني من البلاد العربية'.