بعد اتصاله بالجهات الرسمية… دون نتيجة تذكر، توجه نقيب الفنانين ماهر الهمامي مساء اليوم الثلاثاء 3 مارس 2026 عبر التدوينة التالية بكلمة لزملائه لدعم فنانة تمر بوضع صحي صعب يتطلب تدخلا جراحيا عاجلا و دعما سريعا:

'صحة شريبتكم،

زملائي وخواتي الفنانين، وكل الناس اللي قلوبها مع أهل الفن…

اليوم نكتبلكم وقلبي ثقيل.

فنانة عزيزة علينا الكل، معروفة بأخلاقها وعطائها، تمرّ بظرف صحي دقيق يتطلّب تدخّل جراحي عاجل وفي أقرب وقت. احترامًا ليها ولمشاعرها ما نحبّش نذكر اسمها، لكن أغلبكم يعرفها ويعرف قيمتها في الساحة الفنّية.

للأسف، تمّ الاتصال بالجهات الرسمية سابقًا، ولكن دون نتيجة تُذكر.

واليوم ما عنا حتى حلّ كان نكونو يد وحدة، كيف ديما تعوّدنا.

الوقت ما يستنّاش، والحالة تستوجب دعمًا سريعًا.

نعرف معدنكم الطيب، ونعرف اللي المحبّة بيناتنا كبيرة.

خلّينا نبرهِنوا مرّة أخرى اللي الفنان التونسي ما يخلّيش خوه ولا ختو وحدهم في الشدّة.

والله لا يضيع أجر المحسنين'.