رد المهندس عبد الحكيم عبد الناصر، على من خرجوا من محبي عبد الناصر ويقولون إن هذه التسجيلات مفبركة، قائلًا 'أنا مش عارف هما عملوا ليه كده، وأنا لا أطمح في أي منصب أو انتخابات، وأنا طول عمري مهندس وأنا داخل على الـ 70 سنة'.

وقال 'عبد الناصر' في حواره مع الإعلامي نشأت الديهي ببرنامج 'بالورقة والقلم' على شاشة TeN، مساء الأحد، إن هذه التسجيلات موجودة ومتاحة لأي أحد يطلع عليها.

وأضاف: 'أنا بقول يا عبد الناصر قد إيه أنت قوي بعد 55 سنة، مجرد نبرة صوتك طِلعت هزت العالم العربي كله، قد إيه صوته قوي، رغم أن ما خرج، هو مكتوب وموجود، ولكن صوته هز المنطقة كلها'.

وأشار إلى أن ما يتعرض له الرئيس السيسي الآن، هو نفس ما تعرض له والده، متابعًا 'مفيش رجل أعمال أكثر من عبد الناصر، فالرقعة الزراعية زادت في عهده 2 مليون فدان، وفتح 1200 مصنع، ودي أكتر حاجة توجع الأعداء، التنمية، خاصة أن عبد الناصر كان يرى إن مصر فاتها كتير، ولازم نلحق اللي فاتنا في العالم من حولنا'.