علق محمد عبدالوهاب، شقيق المطربة شيرين عبد الوهاب، على ما تردد من أخبار بشأن الأزمة الصحية والنفسية التى تمر بها شقيقته مؤخرًا، معبرًا عن استيائه من تداول الشائعات.

وقال شقيق شيرين ، عبر حسابه الشخصى على «فيسبوك»: «اتقوا الله وسيبوها في حالها، وسيبوا الناس اللي بتحبها بجد تساعدها، وطبعا معروف مين اللى ورا كل ده، اللى مش عايزها تبقى كويسة خالص ولا عايز أى حد يساعدها».

واختتم حديثه قائلًا: «حسبي الله ونعم الوكيل».

من ناحية أخرى، علق الإعلامي عمرو أديب، على ملف أزمة المطربة شيرين عبد الوهاب، قائلا: 'مفيش معلومة طلعت امبارح عن شيرين صح '.

وقال عمرو أديب في برنامجه ' الحكاية ' المذاع على قناة ' إم بي سي مصر'، : ' كل اللي اتقال عن شيرين امبارح والنهادرة غلط '.

وتابع عمرو اديب: 'كل املي إن شيرين عبد الوهاب تكون كويسة وناس كتير من القريبيين منها يتحدثون عن أمور معقدة'.

في سياق متصل، طالب الشاعر تامر حسين الدولة بالتدخل الفوري لرعاية الفنانة شيرين عبد الوهاب ، بعد تعرضها لأزمة صحية خلال الفترة الحالية.

وكتب تامر حسين عبر حسابه بموقع إكس: بعيدًا عن المُتاجرة والمُزايدة في محبة شيرين ، اللي عايزلها الخير يناشد الدولة إنها ترعاها ، وشيرين تفضل تحت عينهم مش أقل من 6 شهور على التوالي وفي مستشفيات خاصة بالدولة مش برعاية زُملاء أو أصدقاء مهما كانوا قريبين لا يستطيعون الرعاية الطبية الشاملة.

وتابع تامر حسين: مش هيقدروا على شيرين لو زهقت وعازت ترجع بيتها هي محتاجة رعاية شديدة ورقابة بمنع أي حد من يقرب مِنها إلى إن تتعافىّ وتقوم بألف سلامة غير كده هنلف فى نفس الدايرة ودى نصيحة خالصة لوجه الله ومن محبتي في إنسانة طيبة وغالية علينا جميعا محدش حايقوم شيرين من اللي هي فيه غير شيرين والدولة فقط وربنا أولًا وأخيرًا.