أنغام تردّ باكيةً على شائعات تسببها في الهجوم على شيرين عبدالوهاب (فيديو)

خلال مداخلة هاتفية مع برنامج 'كلمة أخيرة' الذي تقدّمه الإعلامية لميس الحديدي على قناة ONE، ردّت الفنانة أنغام على الشائعات التي طاولتها أخيراً بسبب الحملة التي شُنّت على الفنانة شيرين عبدالوهاب، بعد حفلها في 'مهرجان موازين'، واتهام البعض لها بأنها السبب في ذلك.

وقالت أنغام: 'فيه مواقع بتكتب اسمي وناس بيبعتولي شتايم عنيفة إن أنا اللي ورا حملة الهجوم على شيرين عبد الوهاب بعد حفلها في المغرب... الموضوع بقى غير محتمل... لو شيرين على المسرح وبتتهاجم... أنا مالي وإيه علاقتي؟'.

وأبدت أنغام استياءها الشديد من المقارنات التي يعقدها الجمهور بين أعمالها وأعمال شيرين، مؤكدةً أن لكلٍ منهما جمهورها الخاص، بالقول: 'كفاية قرف ومقارنات بيني وبين شيرين، هي ليها جمهور وأنا ليا جمهور، عيب الضغينة اللي بتزرعوها بيني وبين شيرين'.

وأضافت: 'رفعت قضية على شاب قاللي (مش هترحمي شيرين يا أنغام؟) واتسجن... حرام تطلّعوني شيطانة وبشنّ حملات على زميلة... مش بتهم شيرين إن هي السبب لكن الناس بيقنعوها بده، كفاية حقد وسيبوني في حالي، وملكوش دعوة بنواياي... أنا بتهاجم زيي زي شيرين'.

واستكملت أنغام حديثها باكيةً: 'استحملت تلقيح كلام كتير الفترة اللي فاتت من ناس كتير، ومنهم شيرين شخصياً، بس لمّا الأمور توصل للشيطنة والافتراء فده حرام وعيب، لأن إحنا الاتنين المفروض أكبر من كده... وأنا مش الشخصية اللي بتحب تدخل في مهاترات أو حتى تدافع عن نفسها، في أي حاجة الناس بتقولها بسيب الأمور تظهر لوحدها، لأن ربنا بينصفني في أمور كتيرة، واللي يعرفني كويس يعرف إني ست مش بتاعة مشاكل، وإني في حالي'.