و في ما يلي ما ورد في 'نص شيماء جبالي الذي ورد كما يلي على صفحة الديناميكية النسوية التي نظمت يوم أمس الثلاثاء بمناسبة عيد المرأة مسيرة مهيبة في شارع الحبيب بورقيبة بالعاصمة تونس:

'نسمع فيه يغني

يغني ويعلي في الصوت ..

نشوف فيه بيننا ..

حاضر مبتسم . معبي بالحب وبالأمل ..

حاضر فينا ، في قلوبنا ،

في ذاكرتنا ، في صدقنا وايماننا ..

ايماننا بالعمل بالنضال بالمراكمة بالتغيير ..

ياسر علمنا نحبو البلاد ..

خلانا نشوفوها بعينيه ..

بعينين الحق والعدالة ..

المساواة والتنمية والسيادة الحقيقية ..

تونس للتوانسة الكل ..

خبز للناس الكل وكرامة للناس الكل ..

ياسر غنا للشعوب ، غنى للجنوب المضطهد ، غنى لفلسطين المقاومة الصامدة ،

غنا للنساء … حبيناه شريكنا ورفيقنا وصديقنا في قضايانا ونضالاتنا وكل تحركاتنا ..

اليوم .. من بطحاء محمد علي … من لبطحاء اللي شهدت على صوت ياسر العالي .. على مبدئيتو .. على ايمانو بالشارع.. بالشغيلة .. بالطلبة بكل قوى تونس الحية وبالحركات الشعبية ..

على غناياتو اللي سمعناها وقتلي تعبنا ، وقتلي خممنا نتراجعو ونبعدو .. وقتلي خممنا نغضبو ونبردو ونسكتو ..

كان حاضر ديما بجرعات من الامل

بجرعات من العزيمة

والكثير الكثير من الحب

ياسر العظيم .. الانسان مفرط الانسانية ..

ستكون دائما ابدا هنا حاضرا في العين والقلب .. شاهد على تاريخ البلاد ..

بروحك ومحبتك والحانك ..

ياسر خلا وصية وقال ..

الحلمة .. عمرها ما تموت'.

….

كما نظمت الديناميكية النسوية وشركاؤها في حملة “الحرية لكل النساء دون استثناء” وقفة تضامنية أمام سجن منوبة، صباح الإثنين 12 أوت 2024، تضامناً مع سجينات الرأي والسياسات وعائلاتهن، وإيصال رسائل التضامن والتقدير، والتأكيد على أننا نقف إلى جانبهن وأننا عازمون على خوض جميع النضالات من أجل استرجاع حرياتهن'.