أكد الإعلامي أحمد موسى أن دولة الاحتلال الإسرائيلي، هي من تحاصر قطاع غزة، مشيرا إلى أن البعض يوجه الاتهامات لمصر، لأنهم لا يريدون وجود للدور المصري.

وقال موسى خلال برنامج 'على مسؤوليتي' المذاع على قناة 'صدى البلد': 'مش عايزين الدور المصري ده يبقى موجود يعني العالم كله يقول لك يا إسرائيل المعابر يا إسرائيل الحصار اللي أنتم عاملينه'.

وأضاف: 'يا إسرائيل الحصار الأمم المتحدة ومجلس الأمن النهاردة عامل اجتماع كله بيتكلم على مين بيشتم إسرائيل بيشتموها مش بيتكلموا معاها بيشتموها ماسحين بإسرائيل البلاط، ليه عشان هي اللي محاصره ماحدش تاني بيحاصر مجلس الأمن لسه شغال من شوية بيتكلموا شوفوا السفير رياض منصور سفير دولة فلسطين بيقول ايه'.

وتابع: 'شوفوا كل السفراء اللي قاعدين بيتكلموا إزاي على الاحتلال وعلى مجرم الحرب نتنياهو تقريبا نتنياهو مصاب تقريبا حاولوا يموتوه يقتلوه أكلوه أكل فاسد معقولة؟'.

وأوضح: 'معقولة نتنياهو يأكل أكل فاسد ولا دي محاولة اغتيال ولا إيه ما حدش عارف بقالة اسبوع مختفي قال لك مريض ونقل المستشفى وكان أكل بايظ'.

وأكمل: 'كام يوم أكل بايظ معقولة الكلام ده ولا حد حاول يعمل حاجة عندهم هناك لأنه خلي بالكم جوه عندهم في إسرائيل عندهم معارك رهيبة جدا تصل لمحاولات الاغتيالات والقتل والتصفيات الوضع عندهم داخل إسرائيل وضع ملتهب ومظاهرات لحد الساعة الصبح مظاهرات رهيبة جدا طبعا'.

وذكر: 'نتنياهو عنده أزمة صحية شديدة بقالة عدة أيام ده جزء من المؤتمر الصحفي لدولة رئيس الوزراء واللي اتكلم فيه كمان على غزة'.