أعلنت منصة شاهد vip ، عن طرح الفيلم الوثائقي المصري الكيلو.. 64 ، للمخرج أمير الشناوي ، يوم 18 أكتوبر الجاري .

وعلق مخرج العمل عبر صفحته قائلًا : الكيلو ٦٤ علي منصة شاهد بداية من ١٨ اكتوبر ، متحمس جدا ان فيلمي التسجيلي الاول (الكيلو ٦٤) هيبدأ عرضه علي منصة شاهد بعد ما اتعرض في مجموعة من المهرجانات الدولية المختلفة علي مدار السنين اللي فاتت . رحلة طويلة بدأت بتصوير الفيلم من ٢٠١٣ لـ ٢٠١٦ وصولا للعرض العالمي الأول في مهرجان القاهرة السينمائي الدولي في ٢٠١٨، و جائزة افضل عمل طويل اول من المهرجان القومي للسينما المصرية.

وتابع : مبسوط ان الفيلم هيكون متاح لنطاق أوسع من الجمهور، و اتمني ان الفيلم ينال إعجابكم في المناسبة دي، حابب اشكر وائل الشناوي، اخويا و بطل الفيلم، علي اصراره و سعيه ورا حلمه و عايز اقوله انك بتلهمني كل يوم.

وأضاف: حابب كمان اشكر ماما و بابا و كريم، أبطال الفيلم مع وائل، علي حماسهم انهم يكونوا قدام الكاميرا و علي استعدادهم اني اوثق المغامرة العائلية.