مباشرة بعد مغادرتها السجن اثر الزيارة التي أدتها اليوم لزوجها المعتقل السياسي عصام الشابي، نشرت فائزة راهم ما يلي على صفحات التواصل الإجتماعي:

'عصام الشابي في الزيارة المباشرة يوم 30 جويلية، لقيت يدو مفصوعة. تفجعنا برشا كي شفناه، لكن فرحة اللقاء ما حبيتش نلوّثها بأخبار خايبة.

'واليوم، الخميس 13 أوت 2026، في الزيارة الأسبوعية، فوجئنا به وراء البلور ومعاه deux béquilles ، وساقه مكسورة وفي الجبيرة و مانقلكمش على الإحساس اللي شعرنا بيه…

وكالعادة، أول ما شافنا هوّن علينا، واستقبلنا بابتسامته المعهودة، وبقوة جأشه وموراله المرفوع: “لاباس، حتى شيء”

نعرف اللي كل شيء قضاء ربي وقدره أما في مثل هاللحظات تحسّ ببرشا ضيم وقهر وعجز أمام الظلم المسلّط على عصام وعلى غيره من المعتقلين …

كان ينجم يكون في مثل هالظروف محاط بعائلته يتلقى العلاج والرعاية بين أهله وناسه، أما للأسف اتهام كيدي بالتآمر مبني على ناس مجهولي الهوية وصلنا إلى ما يقارب الأربع سنوات سجن…

… شنوة نجم نقول قدّام هذا الكل، غير:

حسبنا الله ونعم الوكيل، نعم المولى ونعم النصير.

ربي يشفيك يا عصام، ويقوّيك، ويفرّج عليك وعلى كل المظلومين…'.