#الزواج #اختيار_مسؤول

#حنين_عساف

كلامي موجّه للشباب والصبايا العازبين والعازبات، بعد كل الحديث المنتشر في اليومين الماضيين حول الطلاق والنفقة. من المهم نتعلم من اللي بصير اليوم، حتى ما نعيد نفس الأخطاء في المستقبل.

يا شباب ويا صبايا، الزواج لازم يكون لما نلاقي الشخص المناسب، مش لأنه 'كبرنا' وصار لازم نتزوج، فنقبل بأي حد والسلام. الشريك لازم نكون متوافقين معه بالمبادئ، وبالوضع الاجتماعي، وبطريقة التفكير.

صح إنا لازم ما نبالغ في المظاهر والماديات، لكن الملاءة المالية مهمة جدًا. في بيت اله مصاريف، وفي أطفال يحتاجوا نفقات وتعليم وصحة وكل متطلبات الحياة. قبل ما نقرّر نجيب أطفال، لازم يكون الطرفان متفقين وما في بينهم مشاكل جوهرية، ولازم يكونوا مستعدين نفسيًا وماديًا.

اختيار الشريك المناسب لقيمك ومبادئك مش بس مهم لاستمرار العلاقة، بل مهم أيضًا لو—لا سمح الله—صار انفصال. لأن الأبناء لما يعيشوا عند الأم أو الأب، لازم يكون كل طرف مرتاح إن الأطفال رح يتربّوا ضمن قيم واضحة ومتفق عليها من الطرفين وما في خوف على تربيتهم. والتوافق هون مش يعني إنكم الاثنين تحبوا 'الملوخية'… فاهمين عليّ أكيد.

أما البنات، لازم تتعلموا تكونوا مستقلات ماديًا؛ مش بس تحسّبًا للطلاق لا قدر الله، لكن لأنه ممكن الشريك يمرّ بأي ظرف—مشكلة صحية، ضائقة مالية، أو وفاة. الحياة مش مضمونة، ولازم تكوني مجهّزة لكل الاحتمالات. تربية الأطفال مسؤولية كبيرة، وما فيها لعب.

باختصار: اختاروا أباء وأمهات لأطفالكم… مش بس شركاء زواج