أحال المحامي العام الأول لنيابة شمال الجيزة الكلية، الأب المتهم بتهذيب نجله حتى الموت إلى محكمة الجنايات.

وننشر نص أقوال الأب المتهم فى القضية والتى جاءت كالآتي:

س: متى وأين حدثت تلك الواقعة محل التحقيق؟

ج: الكلام ده حصل يوم الأربعاء بالليل في بيتي، وضربت ابني بإزازة الحاجة الساقعة على دماغه واتكسرت على دماغه بسبب إن بطارية التوكتوك كانت باظت وأنا كنت متنرفز وطليقتي وبنتي وعدوني إنهم هيجيبوا واحدة جديدة، ولما لقيتهم رجعوا ومعرفوش يجيبوها اتضايقت ونزلت ضرب فى ابني وتعذيب وعلقته فى المروحة وضربته بالكرباج لحد ما مات.

س: من كان برفقتك آنذاك؟

ج: أنا كان معايا بنتي نرجس، وشهرتها جنا، وشادي ابني الله يرحمه.

س: وما طبيعة عملك ومصادر الحصول على قوت يومك؟

ج: أنا عندى توكتوك كنت بشتغل عليه أنا وابني شادي الله يرحمه.

س: وما هى حالتك الاجتماعية تحديدا؟

ج: أنا دبلوم تجارة وكنت شغال في مدبغة في عين الصيرة، وبعدها اشتغلت في بيع المخدرات لحد لما اتحبست في قضية مخدرات أخدت فيها 6 سنين وطلعت منها2020، وبعت مخدرات تاني لحد لما اتمسكت في قضية مخدرات في2022، وقعدت محبوس 7 شهور وأخدت فيها براءة، كنت متجوز وخلفت منها ثلاثة وطلقتها.

ووجهت النيابة العامة للمتهم اتهامات القتل العمد وضرب أفضى إلى الموت وتعذيب نجله، وتم إحالة القضية إلى محكمة الجنايات لتحديد جلسة.