السوسنة - وجه الفنان المصري تامر حسني رسالة مؤثرة إلى جمهوره، دعاهم فيها إلى التمسك بالأمل وتحدي الصعاب، مستشهدًا بتجربته الشخصية التي عاش خلالها طفولة مليئة بالفقر والتفكك الأسري، لكنه لم يستسلم، وتمكن في النهاية من تحقيق النجاح.

وشارك حسني مقطعًا من أغنيته 'طول ما أنت مش تمثال'، وكتب عبر حسابه على 'إنستغرام': 'قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك، مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر'.

وتحدث حسني عن الصعوبات التي واجهها في مشواره الفني، قائلًا: 'أقسم بالله، قبل ما أنجح، ياما كنت بسمع جمل زي: أنت مستحيل تنجح، صوتك مش هيوصل، ما فيكش مواصفات النجم، غير الفقر المادي القارص، والتفكك الأسري من وأنا عندي 7 سنين.. يعني إحباط من كل الجوانب، بس عمرّي ما يئست ولا سمعت للكلام المُحبط، بالعكس كان بيحمّسني أكتر، ويزودني عناد للوصول'.

وأضاف: 'قوموا اتحركوا واسعوا.. الحياة لا بتحب ولا هتضحك للمستسلم، ولو مش عاجبك مكانك في الدنيا غيّره، أنت مش تمثال'.

ويواصل حسني تقديم رسائله التحفيزية لجمهوره، حيث شارك مؤخرًا مقطعًا من فيلم كرتوني يتناول فكرة مواجهة المستحيل، مؤكدًا أن الإيمان بالنفس والشعور بالدعم يمنح الإنسان القدرة على تحقيق ما يبدو بعيد المنال.

وعلّق على الفيديو قائلاً: 'كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبك وشغفك الخارق ليها'.

وأكد أن الحاضر هو مفتاح النجاح الحقيقي، مضيفًا: 'ركز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن.. حب حاضرك رغم أي مشاكل فيه وتحدى صعوباته، خد حالًا أحلى قرار ينجحك، محدش هينفعك غير مجهودك وسعيك ومتبصش وراك أرجوك.. نهاركم كله خير'.