وجه مسن مصري رسالة مؤثرة لشقيقه من أمام الكعبة المشرفة، خلال أداء مناسك العمرة، بعد استيلاء شقيقه على منزله .

‎وقال الرجل في المقطع المتداول على نطاق واسع : شايف يا أخويا دي الكعبة والناس كلها جاية تغسل ذنوبها، وأنت شايل ذنب كبير، خُنت الأمانة وأخدت بيتي وطردتني، ودورتني في البلاد، وعايز أرجع بلدي ومش عارف.

‎وأضاف وهو يرفع يديه بالدعاء: أنا مش هدعي عليك من هنا، لكن هدعيلك.. الله يصلحك ويشيل الغشاوة اللي على عينيك.. الله يوسع عليك وتشوف إنك ظلّمتني وسرقت بيتي، أنا خايف عليك من جهنم، ومحدش يستحملها، حتى الرسول عليه الصلاة والسلام استعاذ منها.

‎وتابع : لو كنت شاطر وخدت البيت خلّيك شاطر وما تموتش.. لأني هموت وهستناك على الصراط المستقيم، ومش هسامحك ولا ولادي هيسامحوك.. وأنا نقلت الملف كله لربنا، وإن شاء الله هاخد حقي عند ربنا.