أكد الإعلامي أحمد موسى، أن الدكتور مصطفى مدبولي رئيس مجلس الوزراء مازال يقوم بالمشاورات من أجل تشكيل الحكومة الجديدة.

وقال موسى مع برنامج 'على مسؤوليتي' المذاع على قناة 'صدى البلد': 'الدكتور مصطفى مدبولي يريد أن يصل إلى أفضل الأسماء والكفاءات في المناصب الجديدة؛ في مجموعة مستمرة من حكومة تيسير الاعمال ومقدرش أقول أسماء لأن عايزين نحافظ على الناس والأمور تسير بدون ضجيج'.

وأضاف: 'قد يكون على يوم التلات أو الأربع الجايين؛ ولو محصلش ممكن بعد العيد ولكن تقديراتي كلها الأيام اللي جاية قبل إجازة عيد الاضحي لأن في أجازة طويلة مستمرة معانا لحد يوم 22 يونيو لأنه في حج وفي سفر وبالتالي قد تكون خلال الأيام الجاية بنتكلم على الحكومة الجديدة'.

وتابع: 'كل شيء يتم في سرية تامة ومحدش قادر يتكلم عن أمور يقينية؛ وأنت مش عايز تضايق حد وهو لسة شغال؛ وزراء شغالين وبيمثلوا الدولة خارج البلاد في مؤتمرات مهمة ومينفعش تبقى موجود في مؤتمر ووزير بيتغير؛ عندك وزراء برة يرجعوا بالسلامة واللي هيروح الحج هيبقي مكمل في الحكومة'.

وأوضح: 'أمور كتير زي ماحنا شايفنها كده ان شاء الله تكمل على خير والفترة الجاية عندك طلبات كتيرة ومسؤوليات كتيرة ونوصل المواطن أولا وثانيا وعاشرا وكل الشغل من أجل المواطن وكل الملفات اللي قدامنا في غاية الصعوبة والمواطن عايز يجد احتياجاته متوفرة والتضخم ينزل شوية وحتى الاحتياجات والسلع تبقى موجودة والحكومة داخلة على أعباء'.

وكان الرئيس عبد الفتاح السيسي قد قرر تكليف الدكتور مصطفى مدبولي بتشكيل حكومة جديدة من ذوي الكفاءات والخبرات والقدرات المتميزة.