علق الإعلامي عمرو أديب على التفسيرات التي اطلقها البعض بشأن إغلاق فروع بلبن في مصر، مشيرا إلى أن البعض يفسر الأمور بطريقة أخرى.

وقال أديب خلال برنامج 'الحكاية' المذاع على قناة 'إم بي سي مصر': 'عايز أقولك ملاحظة مش اني عبقري وأخدت بالي، الناس كل حاجة بقت تفسرها بطريقة تانية، مثلا لما بلبن ده قفل في المملكة العربية السعودية اشتراطات صحية أقفل وصلح وارجع افتح تاني'.

وأضاف: 'أي محل تفسيره الوحيد أن في شيء مش صح الصحة أو التراخيص أو الضرائب، الناس في مصر اليومين اللي فاتوا يتحدثون في أشياء قوية جدا طيب ياجماعة بلبن ده هو المحل الوحيد اللي شغال؟ أنت عارف أنت عندك كام محل حلويات في مصر زي الطبل؟ اللي قالك أصل زعل مش عارف مين وأصل مين عايز يشاركه'.

وتابع: 'أنا كمواطن لما أبص في تقرير الناس بتوع الصحة، على عيني وراسي الـ 25 ألف اللي بيشتغلوا ولو 2-3 جرالهم حاجة كنت هتمسك في رقبة الدولة والصحة وأكيد التطور السريع بيخلي التحكم في الجودة والراجل مقالش مفيش'.

وأوضح: 'أغلب هذه المحلات شباب وأطفال وناس صغيرة والنزلة المعوية ممكن تعمل مشاكل ضخمة، الوقفة مع الناس اللي عندها مشاكل يجب أن يوفق أوضاعه والراجل بيقول أنا مستعد أصلح أي حاجة ولازم حد يقعد مع مجلس الإدارة ياجماعة أنتوا مشاكلكم كذا وتعالى افتح تاني ويفضل تحت عنين الرقابة وتفتيش الدولة وكله لمصلحة المواطن'.

وأكمل: 'سوق الطعام في مصر قد ايه؟ احنا بنتكلم على حاجة غير طبيعية وفي رمضان اللي فات ده كام حالة تسمم سمعنا عنها؟ نزلات معوية سوق الطعام في مصر ضخم وكبير ومختلف من أقل حاجة لغاية الباشاوات اللي عندهم صنية البسبوسة مش عارف بكام'.

واختتم: 'كل واحد لما تيجي تقوله حاجة عنده قصة تالتة، القصة الأولى أن قفلوه والقصة التانية أن عنده مشاكل صحية لا في مواطنين كتير ومواقع كثيرة ومواطنين عاقلين وكل حاجة عنده قصة تالتة لا أصل موفاش ومقدمش ومعملش طيب اشمعنى بلبن؟ في محلات كتيرة مكسرة الدنيا'.