طالب الإعلامي أحمد موسى، الشعب المصري بالاصطفاف خلف الدولة في ظل الظروف، التي تمر بها المنطقة.

وقال “موسى” خلال برنامج 'على مسؤوليتي' المذاع على قناة 'صدى البلد': 'الآن مفيش حياد، كله الاصطفاف ورا البلد والرئيس والجيش والشرطة وكل مؤسسات البلد، الاصطفاف الكامل حتى لو عندك مشكلة في غاز، أجلها دلوقتي، شوية كهرباء، أجلهم دلوقتي وتحملهم، رغيف عيش، اتحمله'.

وأضاف: 'الاصطفاف الكامل، لو عندك أي أزمة النهارده، ناجلها اليوم من ليس مع مصر على طول، لأن أنت النهارده، المنطقة في حرب أنا مش بكلمك على حاجة بسيطة، بكلمك على حرب، ما حدش عارف بكره ممكن يحصل إيه'.

وتابع: 'النهارده شعب كامل، أي حد على مواقع التواصل الاجتماعي يشكك في بلدك، في إجراءاتها، فيما تقوم به، حفظ الأمن والسلم وتحقيق الاستقرار على طول أنا بقولك أهو على الهواء، وأنا كلامي محدد، ما بغيروش من لا يقف مع مصر اليوم، خائن، قولا واحدا من لا يدافع اليوم عن بلده، خائن من يصطف مع الإخوان، خائن من يصطف مع الطابور الخامس، خائن، قولا واحدا'.

وأكمل: 'هذا وقت الاصطفاف الكامل مفيش مواربة، الحكاية واضحة ما تسمعوش اللي بيكسروا في البلد، أو في القيادة، أو يقلل منك لا، ما حدش يقلل منك أبدا بفضل فضل الله، أمننا وسلامتنا، وإحنا البلد، تاني بقول لك، تستقبل ملايين السياح في أمن وأمان، في حركة بسم الله ما شاء الله على بلدنا، ما شاء الله ليه؟ آمنة حد يقرب؟ لا، يبقى كله ييجي لك في أمن وأمان، عشان عارف'.