اخبار تونس
موقع كل يوم -أنباء تونس
نشر بتاريخ: ٩ كانون الثاني ٢٠٢٤
'حتى لوقتاش؟
حتى لوقتاش باش نقعدو شادين الصف كل يوم على الخبز والسكر والزيت؟
'حتى لوقتاش باش نقبلو بقمع الحريات واللي يعبر على رأيه يلقى روحه في الحبس؟
حتى لوقتاش باش نقعدو نسمعو في الشعارات الشعبوية اللي ما حسنت حتى شيئ من واقعنا اليومي؟
حتى لوقتاش باش نقعدو نسمعو في خطاب التملص من المسؤولية؟
حتى لوقتاش باش نتحملو تبعات الخيارات الفاشلة للسلطة السياسية؟
عامين ونص أحنا التوانسة عايشين في ظل حكم الشخص الواحد اللي استحوذ على كل السلطات، وفي المقابل ماعمل حتى منجز اقتصادي واجتماعي، بل بالعكس وضعنا كل يوم أتعس ماللي قبله!
وعلى خاطر مازلنا مؤمنين بقيم الثورة وشعاراتها 'شغل حرية كرامة وطنية' قررنا نخرجو للشارع ونقولو كلمتنا بكل حرية، نقولو إنه ماناش قابلين بالوضع الحالي ونحبو بلادنا تكون أحسن.
لذا، تدعوكم تنسيقية القوى الديمقراطية التقدمية ومنتدى القوى الديمقراطية للمشاركة في وقفة احتجاجية نهار الأحد 14 جانفي 2024 قدام المسرح البلدي الساعة 10:00 صباحا'.
