من الحملات التحسيسية: ملتقى وطني بيومين حول مخاطر الصوت العالي

احمي سَمعِك قبل ما تندم… الصوت العالي ما يرحمش رُد بالك على سَمْعِك

تنظم الوكالة الوطنية لتقييم المخاطر، يومي 6 و7 ماي 2025، ملتقى وطني 'باش نحكيو فيه على خطر الضجيج اللي ولّى جزء من حياتنا اليومية، لكن ما نحسّوش بضرره كان وقت اللي يفوت الأوان، نشرته وزارة الصحة بالدارجة التونسية.

و أضافت 'الشعار بسيط وواضح: 'رد بالك على سمعك باش تتمتّع بيه طول عمرك'.لتردف ما يلي:

'الضجيج مش مجرد إزعاج… يّنجم يأثر على نومك، يرفع الضغط، يُضرب القلب وحتى يّسبب مشاكل نفسية. والأسوء؟ عند الصغار، يّنجم يأثر على النطق والتركيز والدراسة. دراسة جديدة كشفت إنو 45٪ من التوانسة ما يشوفوش الضجيج كخطر صحي، وأكثر من ثلثهم يسمعوا الموسيقى بالسماعات لساعات طويلة.

لهذا، جاء الوقت نتحركو: وقاية، توعية، وكشف مبكّر. والملتقى هذا خطوة أولى نحو إطلاق برنامج وطني يحمي سمعنا وصحتنا.

سمعك هو مفتاح التواصل والفرح… ما تفرّطش فيه.

سمعك أمانة عيش بصحة