قابس: بطاقتا ايداع بالسجن ضد الأخوين ريان و أمين، والدتهما توفيت بالسرطان

في آخر خبر نشرته مساء اليوم الإربعاء 22 أكتوبر, أعلنت الصفحة المحلية Gabès Book بكل أسف عن ايداع السجن الأخوين ريان و أمين،

ننقل هنا نص الخبر كما ورد بالدارجة التونسية: 'ريان و أمين جبر الزوز إخوة و خواتي الزوز المعروفين في جارة بالرجلة و الخدمة و يعملو على رواحهم مالي هما قصر لا يجو على حد لا يخلو حد يجي عليهم إخوة في الوجيعة والدم

أيتام الأم، فقدوا أمهم بسبب السرطان، بسبب التلوث اللي خنّق قابس وخرّب حياتنا الكل.

ما طالبوش بشي خارق، طالبوا بحقّهم وحقّنا في نفس نقي، في حياة من غير سمّ.

لكن في بلادنا، اللي يصرخ من الوجيعة يتهموه، واللي يدافع على الحياة يسجنوه.

ريان و أمين، إخوة من لحمنا ودمنا، تم ترهيبهم في القرجاني وتلفيق التهم ضدهم، واليوم يتم نقلهم للسجن.

ما ننسكتوش، خاطر اليوم هم، وغدوة أي واحد فينا.

ريان و أمين ما همش مجرمين، هم صوت قابس، صوت المظلومين'.