حسن الرداد: إيمي سمير غانم كانت متحاملة على نفسها في تصوير "عقبال عندكو" وهي حامل

تحدث الفنان حسن الرداد عن زوجته الفنانة إيمي سمير غانم وتصويرها مسلسل 'عقبال عندكو' أثناء حملها.

وقال حسن الرداد خلال لقاء مع ET بالعربي: 'التمثيل كان مجهد وصعب ربنا يكون في عونها كانت متحاملة على نفسها في التصوير وكان كل الناس بتساعدها وكان في كوميديا كبيرة عندنا بسبب الموضوع دا في المشاهد وكان من أحلى الأجواء'.

وأوضح حسن الرداد أنه حتى الآن لا يعرف جنس الجنين وكل ما يهمه أن يأتي في صحة جيدة قائلا: 'ولد أو بنت أي حاجة اللي يجيبه ربنا كويس مش بفكر في كدا بدعي دايما ربنا يرزق الواحد بطفل صحته كويسة ويبقى ولد أو بنت صالحين، لو جات بنت هسميها على اسم والدتي لو ولد إيمي تختار'.

وكان حسن الرداد كشف عن حمل إيمي سمير غانم خلال لقائه في برنامج 'حبر سري'.

قال حسن الرداد: 'أنا مؤمن بالحسد ولكن مش بعمل اي حاجة تحصينات للحماية من الحسد، واي واحدة حامل تخبي انها حامل طالما مفيش داعي انها تقول'.

وأضاف حسن الرداد: 'إيمي حامل وسبق وان أعلنت وهي في الشهر الرابع حاليا'.

يذكر أن حسن الرداد وإيمي سمير غانم يعرض لهما في شهر رمضان مسلسل 'عقبال عندكوا'.

مسلسل 'عقبال عندكوا' يشارك فى بطولته إلى جانب إيمى سمير غانم وحسن الرداد كل من: محمد ثروت، إنعام سالوسة، عارفة عبد الرسول، علاء مرسي، وحجاج عبد العظيم، ومن تأليف أحمد سعد والي وعلاء حسن وإخراج علاء إسماعيل، ومن إنتاج أحمد السبكي.