محمود سعد يكشف سبب اعتذاره عن عدم المشاركة في "كامل العدد" … كان سيقدم هذا الدور

كشف الإعلامي محمود سعد أنه عرض عليه المشاركة في مسلسل 'كامل العدد' لكنه رفض لأنه لا يرى في نفسه موهبة التمثيل.

وحكى محمود سعد في فيديو نشره عبر حساباته في مواقع التواصل الاجتماعي: 'كان الأستاذ خالد الحلفاوي ابن صديقي العزيز الغالي نبيل الحلفاوي كلمني وقالي أنا عايزك في دور في مسلسل 'كامل العدد' قلت له يا خالد أنا مليش في الحاجات دي أنا مبعرفش أمثل إلا لو كنت شايف إن أنا مذيع منافق فبمثل تبقى مصيبة، قالي لأ طيب اسمع أنا جايبلك معايا 5 حلقات أقراهم وقولي إيه رأيك'.

وتابع محمود سعد: 'بقرأ أول حلقة لقيت نفسي فيها، وتاني حلقة لقيت نفسي فيها قلت يا خبر أسود ورحت قافل الـ5 حلقات ورحت باعت له رسالة قلت له معلش يا خالد أرحمني أنا مش هقدر خالص والراجل مشكورا مطلبش تاني وسمع الكلام'.

واختتم محمود سعد حكايته:'الحمد لله لأن المسلسل بقى 3 سنين والدور بتاعي كان دور أحمد كمال وهو ممثل ممتاز أنا كنت إزاي هعرف أعمل كده'.

مسلسل 'كامل العدد' من بطولة دينا الشربيني، شريف سلامة، بدارة، إسعاد يونس، تميم عبده، جيهان الشماشرجي وإسعاد يونس، ميمي جمال، أحمد كمال، ألفت إمام، وغيرهم من النجوم، وهو من تأليف رنا أبو الريش ويسر طاهر وإخراج خالد الحلفاوي.

يذكر أن محمود سعد عاد لتقديم برنامج 'باب الخلق' عبر قناة النهار، كما سيعرض البرنامج عبر التليفزيون المصري قريبا.