اخبار مصر
موقع كل يوم -الرئيس نيوز
نشر بتاريخ: ٩ أيار ٢٠٢٥
حذر الإعلامي مصطفى بكري من تجاهل التحذيرات من اندلاع الأزمات داخل الدولة، مشيرا إلى أن تجاهل نظام الرئيس الراحل حسني مبارك للتحذيرات أدى إلى اندلاع أحداث 25 يناير.
وقال بكري خلال برنامج 'حقائق وأسرار' المذاع على قناة 'صدى البلد': 'هو في ايه يا جماعة؟ ايه الحكاية بالظبط مين بيشعل الأوضاع في البلد في وقت أننا في اشد الحاجة أننا نقف كتلة واحدة خلف دولتنا وخلف رئيسنا وليه احنا سايبين الدنيا كده ومطمئنين أوي كده'.
وأضاف: 'قبل كده كان في نظام اطمن قبل 25 يناير ورغم كل اللي حصل والتحذير والكلام اللي قالوه المخلصين محدش سمع الكلام'.
وتابع: 'اللواء حسن عبد الرحمن رئيس قطاع مباحث أمن الدولة كتب مذكرة يوم 18 يناير مكونة من 12 صفحة وحذر فيها من 25 يناير وطلب شوية تغييرات تهدي الشارع وتدي الناس أمل ولما اتسأل الرئيس مبارك عن المذكرة دي في المحكمة قال إنه ميعرفش عنها حاجة'.
وأوضح: 'لو الرئيس كان قرأ المذكرة المقدمة من رئيس واحد من أهم الأجهزة الأمنية ولكن للأسف موصلتش للرئيس ولو الرئيس قرأ الكلام ده كان راجع الموقف وهدي مشاعر الناس ولما قامت تظاهرات 25 يناير وبعض المسؤولين زي المشير طنطاوي والسيد عمر سليمان نصحوا الرئيس بالإصلاح ولكن كان في بعض المستفيدين قالوا للرئيس متسمعش كلامهم'.
وأكمل: 'الرئيس السيسي مش معزول عن الشعب وبيعرف كل كبيرة وصغيرة ولكن هناك بتكلم على طريقة العرض لما بيعرف حاجة ضد مصلحة الناس بيتدخل على طول وأخرها مشكلة بلبن سيادته تدخل وتم حل المشكلة'.
وواصل: 'ليه الأسلوب ده ميتمش التعامل بيه من الحكومة وكل الحتت التانية؟ كان الرئيس وهو بياخد القرار ده عينه على الاستثمار والمسائل اللي بالشكل ده تطفش المستثمر ولكن حل المشكلة أعاد الأمل بس السؤال اللي عايز أقوله ياترى الرئيس فاضي لكل المشاكل دي؟ كفاية اللي مستحمله ليل نهار وتحديات على كل الجبهات وضغوط من برة وجوة'.
واختتم: 'تعالى بقي للي بيصدروا لنا الأزمات من جوة واللي بيكبوا جاز على النار المولعة واللي بيحولوا المجتمع لازمات وانقسامات'.
