أزمة مباراة القمة.. هل تأخر الأهلي في مخاطبة اتحاد الكرة بشأن حكم اللقاء؟

أكد الإعلامي إبراهيم المنيسي أن مجلس إدارة النادي الأهلي لم يتأخر في التواصل مع اتحاد الكرة بشأن حكم مباراة القمة.

وقال المنيسي خلال برنامج 'ملك وكتابة' المذاع على قناة 'الأهلي': 'أول اتهام وجه لمجلس إدارة الأهلي ليه تدخلت متأخر؟ سكت ليه 5 أيام من صباح يوم الخميس إعلان القرعة ليه سكت كل الوقت ده وجاي عند حافة الهاوية تعمل المشكلة'.

وأضاف: 'هل الأهلي من أول ما أعلنت القرعة سكت؟ هل مكانش في تحركات هل طلب حكام أجانب فجأة واتقال عايزين فجأة طاقم تحكيم أجنبي؟ دا البيان اللي صدر صباح يوم الخميس أول يوم بعد إجراء القرعة الأهلي سجل موقفه'.

وتابع: 'التحرك الرسمي لرئيس النادي الأهلي كابتن محمود الخطيب مش إحنا اللي هنقوله الزميل أحمد موسى سرد اللي حصل قبل المباراة بخمس أيام'.

وواصل: 'الأهلي تحرك من اليوم الأول ودي نقطة مفصلية كل اللي بيحلل اللي حصل بيقول ليه الأهلي استنى لحد يوم المباراة؟ واللي قاله الأستاذ أحمد موسى أن كل الأطراف توافقت الزمالك كان عنده مشكلة في الفلوس والاتحاد كان عنده وقت 5 أيام والرابطة قالت هتدفع الفلوس'.

وأكمل: 'الكابتن هاني أبو ريدة رئيس اتحاد الكرة استجاب وقالك هنجيب طاقم إيطالي مين المسؤول عن ده؟ مين مسؤول عن إيصال الأمور للمنطقة فين الأستاذ خالد الدرندلي نائب رئيس الاتحاد؟ في ظرف مهم جدا زي كده ورئيس الاتحاد عنده انتخابات'.

واختتم: 'وجود الانتخابات دليل إدانة قوي لهاني أبو ريدة إذا كنت بتتكلم عن ضيق الوقت وأوروبا عندها إجازة أسبوعية الأهلي بيكلمك من يوم الجمعة وعندك 54 رئيس اتحاد موجودين في الفندق لو ميلت على أي واحد فيهم أي رئيس اتحاد تقوله أنا عايز طقم حكام كويس بكرة'.