نسمى محجوب تشدو بأغنية «يا محروسة» في حفلها بمهرجان الموسيقى العربية

افتتحت الفنانة نسمة محجوب منذ قليل فعاليات اليوم الرابع لمهرجان الموسيقى العربية المقام على مسرح النافورة بدار الأوبرا المصرية، على أنغام أغنية «يا محروسة»، وسط حضور جماهيري كبير.

وحرصت نسمة محجوب على توجيه رسالة مليئة بالحب لجمهورها أثناء تواجدها على خشبة المسرح قائلة: «أنا مبسوطة عشان معاكم النهاردة، وإني جزء من مهرجان الموسيقى العربية في دورته الـ32».

وأشادت محجوب بالتطورات التي شهدتها الدورة الـ32 للمهرجان قائلة: «المهرجان سنة عن سنة يثبت جدارته وأنه أقوى مهرجان الموسيقى في الوطن العربي».

وقدمت نسمة محجوب خلال حفلها بدار الأوبرا ضمن فعاليات مهرجان الموسيقى العربية 2024، باقة من أجمل أغانيها الجديدة والقديمة، ومنها: «يا محروسة، قلبى وحرة فيه، حبيتك، كل شمس، كفاية، الوقت يعدى، يا غاوى هروب، على طبيعتى، خصوصًا راجل وتتر مسلسلات ليالي أوچينى، حب اخوات، عابر سبيل، حُلم» تحت قيادة المايسترو جورج قلته، ومن المقرر أن تشدو نسمة محجوب لمدة ساعتين متتاليتين بباقة من أجمل أغانيها

وكانت آخر أعمال نسمة محجوب أغنية «مش شاغلين بالنا» وتم طرحها عبر موقع الفيديوهات «يوتيوب» ومختلف المنصات الرقمية، وحققت الأغنية نجاح كبير.

والأغنية من كلمات بحر وألحان نسمة محجوب وتوزيع معتز ماضي.

وتقول كلمات أغنية «مش شاغلين بالنا»:

«مش شاغلين بالنا

غير بـ اللي يروق بالنا

ده احنا الفرفشة تسألنا

الجو بيحلو ازاي

نسهر براحتنا

نغني مفيش حاجة تسكتنا

نرقص نتمشى ونعمل دوشة

اللي يكدر مش جاي

دا الانبساط والفرفشة كله اتمشى وبندرسه

لو الهوا مش ع الهوى بنقوم هوا ونرقصه

حتى الدلع سيبناه دلع ومرضيناش نخلصه

على وضعنا طول عمرنا والكل جنبنا خلصوا

سايقين في دلعنا

ومفيش حاجة ترجعنا

واللي يقولنا اشمعنى

بنعمل منقولش كلام

بنسهَّر ليلنا»

وفي وقت سابق طرحت نسمة محجوب أغنية «الوقت يعدي»، وتم طرحها عبر موقع الفيديوهات «يوتيوب» ومختلف المنصات الرقمية، ومن كلماتها: «عاجباني اللمة.. وخصوصا لما.. تجمعنا في مكان حبيناه.. ونلاقي روحنا.. لو حد غنا. من غير مانفكر.. بنغنى معاه».

والأغنية من كلمات الشاعر مصطفى ناصر، وألحان راندو هارفي، وتوزيع موسيقي ماهر الملاخ، وتوزيع شركة ديجيتال ساوند.