فدوى عابد: ابني مراهق ومش بيتفرج على أعمالي الفنية

أكدت الفنانة فدوى عابد عن إعجابها الشديد بالنجمة نبيلة عبيد، وأنها تتمنى تقديم شخصيتها فنيًا، كما تحدثت عن حياتها الأسرية وعلاقتها بابنها.

وقالت، خلال مداخلة هاتفية مع الإعلامية 'نهال طايل' في برنامج 'تفاصيل' المذاع على قناة “صدى البلد 2”: 'نبيلة عبيد حبيبة قلبي، بتعجبني طريقة تمثيلها بحلاوتها بحبها لفنها باللي أنا بسمعه إن هي طول الوقت إزاي كانت بتجتهد على الأدوار، ومثلا دورها هتغني فيه فتقعد تاخد شهور كورسات غُنا، يعني ده كل ده بالنسبة لي شيء مبهر ومش بس أستاذة نبيلة لوحدها يعني، هما كتير، كتير بس أستاذة نبيلة بالذات ليها مَعزَّة خاصة عندي يعني'.

وأضافت: 'أنا لما بيكون ليا عمل شغال؛ ابني مش بيتفرج عليه، يعدي كده يقولي: إيه ده؟ ده أنتي يا مامي، أقوله: آه، يقولي: طب مبروك، ويقوم ماشي خلاص، وزمان كان ممكن يقعد يتفرج شوية، وبعدين هو دلوقتي أصله مراهق، فمش دايما عايز يتفرج، مش مهتم'.

وتابعت: “عايشة مستقرة بقدر الإمكان، هو مفيش حد عايش في هدوء طول الوقت طبعا، عشان بس ما نشتغلش المجتمع يعني، دي علاقات إنسانية عادي، فيها اللي طالع وفيها اللي نازل، بس الحمد لله، بِقَدر كبير هي مناسبة ليا جدا يعني الحمد لله”.