استحملتي عشان الفلوس.. إعلامية تهاجم بسمة بوسيل طليقة تامر حسني

وجهت الإعلامية سارة نخلة، انتقادات لاذعة لمصممة الأزياء والمغنية المغربية بسمة بوسيل، طليقة الفنان تامر حسني، بعد تصريحاتها الأخيرة التي تحدثت فيها عن معاناتها خلال فترة زواجها.

وقالت سارة نخلة في منشور لها عبر حسابها الشخصي: “غير متعاطفة أبدا أبدا، وغير مقتنعة إنك ضحية.. مقتنعة إنك بلا كرامة وبس!”.

وأضافت: :”لما تقرري تقعدي في البيت وتعتزلي الفن اللي أصلًا مكنش فن ولا تاريخ ولا أي حاجة من دا، وانتي موافقة وطايرة من الفرح، وتجيبي أول ولد وتاني ولد وثالث، وكل ده وانتي ضحية؟!'.

  وأشارت إلى ن بسمة كانت تعلم تمامًا طبيعة حياة النجم قبل الزواج، ولم يكن هناك أي إجبار على قراراتها.

واستكملت: “انتي اتبنيتي مش اتدمرتي والناس عرفتك بسببه واتشهرتي بسببه ولا كان مقعدك في البيت ولا حاجة، عمل لك بدل المشروع ٣، وانتي فشلتي عشان مركزة في حياته أكتر ما بتركزي في حياتك!”.

وتابعت :'خانك؟ كنتي من البداية تمشي مش تعيشي دور الضحية، وتعملي فيها ماكينة تفريخ أطفال عشان قال يعني تربطيه.. مفيش راجل بيتربط'.

وتابعت : “استحملتي عشان الفلوس يا حياتي مش عشان العيال ولا عشان الحب وعشان يفضل اسمك (مرات النجم)، ولو كنتي اشتغلتي 20 سنة، مش 10، ولا كان حد هايعرفك غير أهل بلدك”.

واختتمت سارة نخلة رسالتها رداً علي تصريحات بسمة الأخيرة عن رغبتها في الزواج من رجل “يعرف ربنا”، قائلة:'قال إيه عايزة حد مسلم بيعرف ربنا قال يعني هو بوذي بيصلي على صنم؟!'.