حبيبة الشماع جديدة.. فتاة تروي محاولة خطفها على يد سائق «إندرايف»: «رش عليا مخدر»

تكرر سيناريو حادثة حبيبة الشماع مع فتاة أخرى تسمى حبيبة محمد علي، حيث روت تفاصيل محاولة اختطافها على يد سائق تطبيق إندرايف بعدما فرت منه هاربة.

وروت حبيبة محمد علي، التي تعمل مصممة أزياء، تفاصيل محاولة خطفها على يد سائق «إندرايف» عبر حسابها الرسمي على موقع التواصل الاجتماعي «فيس بوك»، قائلة: «أنا مصدقتش اني ممكن اتحط في الموقف دا في يوم من الأيام، بس إمبارح وأنا راجعة من الشغل طلبت إندرايف ومن ساعة ما طلبت و هوا كان غريب و قالي ربع ساعة و هجيلك وهوا كان على gps قريب جدا ومن ساعة مركبت وهوا مش مظبوط وعمال يعمل حاجات غريبة».

وأضافت:«و كان بيكلم ناس غريبة ومتابع مع واحد في الموبيل يقولو انا دخلت كذا قابلني في الحته دي، ومتاكدة انه كان شارب حاجة و كان مش مظبوط وقفل كل الشبابيك».

وتابعت: «أول مطلعنا في طريق الصحراوي وفضل مطلع راسه من الشباك الجمبه الوحيد السايبه مفتوح و انا متاكدة ان رش حاجة في العربية عشان كان في ريحة غريبة جدا و انا كنت ابتديت ادوخ و وشي كلة نمل و مكنتش شايفة كويس».

واستكملت:« واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي»

وأوضحت حبيبة: «هو اسمه اللي على الأبليكيشن غير اسمه اللي علي get contact وحذرت الفتاة متابعيها من الركوب رفقة ذلك السائق حفاظا على سلامتهم قائلة: خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا».