هبة نور تروي تجربتها مع الزواج المبكر وسر اعتذارها عن أعمال فنية.. تفاصيل

فجرت الفنانة هبة نور ، عدد من المفاجآت عن تجربتها الفنية وسبب اعتذارها عن عدد من الأعمال الفنية ، كما تحدثت عن تجربة زواجها فى سن مبكر. 

وقالت هبة نور، في تصريحات تلفزيونية : السنوات الأخيرة أنا مقلة لأني بنتقي أعمالي لدرجة أني بعتذر، يعني بعتذر أكتر ما بشتغل لأني بحب المهنة والدور اللي بعمله لازم أكون مقتنعة بيه، وأنا مبستخدمهاش كغطاء لمهنة تانية.

وعلقت هبة نور، على الأزمات التي مرت بها مؤخرًا قائلة : بعد كل أزمة الإنسان للأسف بيفكر أنه لازم قلبه يبقى حجر ويعادي الناس، وبعد تفكير طويل اكتشفت أن بعد كل أزمة لازم الإنسان يبقى قوي ويهدى ويعمل حدود ويبقى عنده ثقة في نفسه، وأنا حد قنوع ومؤمن، وبعد كل مشكلة كنت بقعد مع نفسي وبشكر رب العالمين وبقول لو هو عقاب أو ابتلاء أنا راضية، وأنا دايمًا مؤمنة بالقدر.

وأوضحت هبة نور: ناقصني الشعور بالأمان، وبدعي رب العالمين أنه يعطيني نعمة الأمان، والأمان ممكن يكون بالنسبة ليا صديق أو زوج أو عمل وعائلة.

كما تحدثت هبة نور، عن أول تجربة زواج لها في سن مبكر، قائلة: كان عندي تجربة زواج في سن مبكر، كنت حلوة وبيتعرض عليا عروض زواج وكنت لافتة للنظر وأكبر من عمري، كنت بحب الشهرة ومكنتش بحس نفسي طفلة عادية، والزواج استمر لمدة 3 أو 4 سنين، وبعدها دخلت الفن، وأنا عندي تجارب كتير غير ناجحة.