لا بتضرب ولا بيتحط عليا.. شقيق ياسمين عبد العزيز: أوافق على التمثيل مع أحمد العوضي بشروط

قال وائل عبد العزيز، شقيق الفنانة ياسمين عبد العزيز، إن الخلاف الذي نشب بينهما بعد زواجها الأخير يرجع إلى ما وصفه بـ«اختلاف في وجهات النظر».

وأضاف خلال لقاء لفضائية «صدى البلد»، اليوم الأحد: «واحد اختلف مع أخته على شخص ما (أحمد العوضي)، كنت شايف إنه في حاجة تانية غير إنه يبقى حب، حسيت إنه مش ده، ويمكن أنا اتصرفت غلط واتخانقنا خناقة عادية كأخ وأخت، والموضوع راح لحاله»، بحسب تعبيره.

وأشار إلى أن خوفه على شقيقته الأساس الذي يحركه دائمًا، ذاكرًا أن هذا الخوف سبّب له عددًا من المشكلات.

وأكمل: «أنا مش هقدر أبطل أخاف لإني أخ، ولو خفت هتهاجم، ولو خفت في حدود المطلوب هبقى وسطي.. أعمل إيه؟ دلوقتي مفيش مشاكل ودي تجربة إحنا بنتعلم منها»، وفقًا لوصفه.

وبسؤاله عما إذا كان مستعدًا للمشاركة في عمل من بطولة العوضي، أجاب: «موافق أعمله بس يبقى مكتوب كويس وليا مساحتي ومحدش يتدخل في الدور».

وواصل: «بس أنا ولا بتضرب ولا بيتحط عليا، والمشاهد اللي هعملها تتكتب صح ومحدش يتدخل في السيناريو، لو الدور عاجبني وفي مساحتي ومميز ليه لا، أنا معنديش مشاكل مع حد.. أنا أشتغل مع الجن»، بحسب قوله.