كندة علوش عن دورها في "إخواتي": كنت حابة تبقى العودة بدور يترك أثر

حلت الفنانة كندة علوش، ضيفة على الإعلامية لميس الحديدي في برنامج “ كلمة أخيرة ” المذاع على قناة “ أون”.

 وقالت كندة علوش:'  مشاركتي في مسلسل إخواتي  كانت مغامرة حقيقية من المخرج محمد شاكر خضير '.

وأضافت كندة علوش:''لما المخرج عرض علي شخصية (ناهد)، قلت له: إيه الزاوية اللي شفتها فيّ خلتك ترشحني للدور ده؟ قال لي: أنا عارف إنك تقدري، وإن عندك (حتة) ممكن تطلعي منها ناهد. وصحيح هو ماكنش واثق 100%، لكن أعتبرها مغامرة خضناها سوا، وده خلاني أحس بمسؤولية كبيرة.

وأضافت:'طول الوقت وأنا بشتغل على الدور، كان جوايا صوت داخلي بيقول لي: مش عايزة أخذل المخرج، ولا عايزاه يندم إنه اختارني.'

وأشارت كندة إلى أن هذا الدور كان تحديًا وضعها فيه المخرج، وقالت:'كنت حابة أثبت لنفسي إني قدّ التحدي، خصوصًا إني راجعة بعد فترة غياب عن الشاشة، وكنت حابة تبقى العودة بدور يترك أثر ويحقق صدى كويس.'

واختتمت حديثها قائلة:'كل التفاصيل دي، إلى جانب إعجابي الكبير بالسيناريو والعمل مع نجمات كبار، كانت مهمة، لكن الإحساس الأكبر اللي فضل جوايا طول الوقت هو: مش عايزة أخذل أستاذ محمد شاكر خضير.'