الأهلي جنة جمهوره .. محمد الدماطي يوجه رسالة على فيسبوك

شارك محمد الدماطي، عضو مجلس إدارة النادي الأهلي، منشورا عبر حسابه الرسمي على موقع التواصل الاجتماعي فيسبوك، بشأن التحديات والصعوبات الأخيرة.

وكتب الدماطي عبر فيسبوك: 'الحمد لله أنا عندي من الشجاعة و الثقة اللي يخليني اقول كل اللي جوايا من غير كسوف بعيد عن اي حاجة، وبعترف بوضوح اني كبني ادم طبيعي اهلاوي متعصب وفي موقع مسئولية، بتأثر بشكل سلبي جدا من كمية النقد والضغط المتواصل، يمكن لمرحلة محدش يتخيلها عكس ما الناس بتبقي فاهمة'.

وتابع: “الاحساس ده بيزيد لان حقيقي شايف الصعوبات والتحديات وفي نفس الوقت معنديش شك في أسلوب ادارة الكورة في النادي اللي مهما حصل بيقدر يجتاز اي صعوبات و يكمل، المهم ان كل الضغط النفسي دة اللي ببقي متخيل انه هيفضل سايب جوايا رواسب مهما حصل بينتهي بمجرد ما بشوف الجمهور فرحان”.

وأستطرد: “مجرد كلمة واحدة كويسة بتمسح اي حاجة قبلها، متفهم جدا ان الأهلي هو جنة جمهوره، الجنة اللي مش متخيل انه يشوف فيها حاجة غلط ولو لفترة صغيرة ، متفهم جدا ان اي صعوبات في الدنيا الأهلي بيهونها وانه مش مجرد نادي ده دواء لحاجات كتير اوي لينا كلنا”.