عن فترة اكتئابها.. هلا رشدى: سألت ربنا يطلعني من اللي أنا فيه

كشفت الفنانة هلا رشدى تفاصيل الفترة الأخيرة التى مرت بها والتى أصيبت فيها بالاكتئاب مؤكدة أن الرضا والدعاء وذكر الله كان أكثر الأمور التى ساهمت فى خروجها من مرض الاكتئاب.

وقالت هلا رشدى فى أحد برامج بودكاست : “جالي اكتئاب في 2019 وروحت لدكتور نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، وكنت بخبط دماغي في الحيطة وبقول لربنا أنت سايبني ليه خدني عندك، وزوجي لم يتخلّ عني وصبر عليا صبر أيوب وكلمت ربنا وقولت لنفسي أنا هموت ولا إيه إني مش صح ومش قادرة أعبدك ولما بقرأ قرآن بحس بحاجز كبير.. طلعني يا رب من اللي أنا فيه.. وقعدت فترة مش بصلي خالص وكنت بقرأ الورد بس.. ويوم عيد ميلادي الـ 33 قولت لنفسي دا عمر أهل الجنة.. وروحت صليت وقولتله هحاول أكون معاك يا رب قويني”.

وأضافت هلا رشدى : “الرضا جنة الدنيا والسلام النفسي أن الإنسان يكون مطمن لأقدار ربنا وعارف إنه مظبطله حياته وأموره كلها، وإن بعد المحنة هيكون فيه فرحة، والرضا موجود في أصغر الأشياء، والمقارنات على السوشيال ميديا مش حقيقة و لما روحت عمرة بعد فترة الاكتئاب اللي مريت بيها حسيت إني طايرة وسط الناس بالرغم من إني عملت عمرات بعدد شعر راسي ومن كتر الفرحة قولتله يا رب شكرًا وقولت لنفسي أنا هموت ولا إيه”.