كلنا بنغلط.. ميدو يثير الجدل بمنشور غامض على "أكس"

شارك أحمد حسام ميدو، لاعب نادي الزمالك السابق، منشورا عبر حسابه الشخصي على موقع التواصل الاجتماعي أكس.

وكتب ميدو: 'ماحدش فينا ملاك وكلنا بنغلط ولولا ستر ربنا علينا كلنا ماكانش حد فينا قدر يبص في وش الثاني بس لازم كلنا أولوياتنا تبقى سكة ربنا.. ربنا بيكلم المسلمين اللي نسيوه في سورة الأنعام بيقولهم.. بسم الله الرحمن الرحيم فلما نسوا ما ذكروا به فتحنا عليهم أبواب كل شئ حتى إذا فرحوا بما أوتوا أخذناهم بغتة فإذا هم مبلسون صدق الله العظيم.. لازم كلنا نفكر في معنى الأية دي كويس وثاني مفيش حد فينا ملاك بس لازم أولوياتنا تبقى سكة ربنا..ربنا يثبتنا جميعا على عبادته وشكره على نعمة'.

من جانب اخر، علق أحمد حسام ميدو، نجم الزمالك ومنتخب مصر السابق، علي أداء المغربي محمود بن تايك الظهير الأيسر لنادي الزمالك، خلال مباراة القمة أمام الأهلي في السوبر الأفريقي.

وقال ميدو في تصريحات تليفزيونية عبر شاشة 'أون تايم سبورتس': 'بالتأكيد بن تايك قدم أوراق اعتماده لجمهور نادي الزمالك ولعب بشجاعة كبيرة، من أول دقيقة في المباراة وأفكاره هجومية'.

وتابع: 'صفقة بن تايك تعرضت لانتقادات كبيرة في الإعلام، والكلام اللي اتقال إن جوميز مش مقتنع بيه، ويقدر يتخطى كل ده وهو بيلعب على لاعب كبير زي بيرسي تاو'.

واكمل: ' لما شوفت تشكيل الزمالك أمام الأهلي كنت خايف وحاطط إيدي على قلبي، وتبين أنه أد الضغط، لاعب متأسس كويس'.