بعد الفيديو المثير للجدل.. ما حقيقة ارتباط أميرة فتحي ومحمد رجب؟

حسمت الفنانة أميرة فتحي، الجدل حول ارتباطها بالفنان محمد رجب خلال لقائها مع الإعلامية ياسمين عز في برنامج «كلام الناس»، اليوم السبت، وذلك بعد انتشار مقطع فيديو لها يجمعها سويا، مما زاد من تكهنات الجمهور حول وجود علاقة بينهما مؤخرا.

وفي هذا السياق، كشفت أميرة فتحي حقيقة ارتباطها بالفنان محمد رجب، قائلة: «لا يوجد أي أساس من الصحة لتلك الأقاويل، فيش الكلام ده خالص، دي بنت كانت عايزة تعمل نسبة مشاهدة على مواقع التواصل الاجتماعي، مضيفة: أنا ورجب أصدقاء من زمان جدًّا، أنا كنت مروحة لاقيته واقف بره القاعة، فطبيعي وقفت سلمت عليه، أنا لا وصلته ولا هو وصلني، ده في حصل في مكانا، لم نتحرك».

وتابعت: «الغريب إن البنت بتقول كلام غير اللي موجود في الصورة، مفيش حاجة بتدل على ده، كلام بتخترعه من عندها، رجب صديق من زمان».

وكانت أميرة فتحي، كشفت أن الرجل يمثل كل شيء في حياتها، قائلة: «معنديش صحاب ستات خالص، أصدقائي جميعهم من الرجالة».

وأوضحت أميرة فتحي، خلال حوارها في برنامج «كلام الناس» تقديم الإعلامية ياسمين عز على قناة MBC مصر، مساء الجمعة: «أنا أصدقائي كلهم رجالة، أنا معنديش ستات خالص، نادرًا»، مضيفة «أنا مش عارفه إيه السبب؟ قعدت فترة زعلانة من القصة دي، لكن خلاص مش مشكلة، من وأنا في المدرسة ولغاية دلوقتي أصحابي كلهم رجالة».

وتابعت أميرة فتحي: «قريبين مني أوي وأقدر أتكلم معاهم، دايما اللي بيحبوني الستات اللي واثقة من نفسها، وللأسف في كتير أوي مش واثقين في نفسهم، للأسف مهزوزين».