أول رد من أحمد العوضي على انتقادات إعلانه الزواج بعد رمضان

حل النجم أحمد العوضي ضيفًا في بودكاست The sight الذى يعرض على منصة Watch it الرقمية، وتحدث خلال الحلقة عن خبر زواجه وهل يحب الحديث في الأمور الشخصية أم لا؟ قائلًا: 'أنا بحب خصوصيتي، ومش بحب حد يسألنى في حاجة خاصة، أنا متاح كفنان وممثل وكشغل، أي حد يسألنى من دلوقتى للسنة الجاية، لكن حاجات شخصية مش بحب أتكلم فيها'.

وتابع أحمد العوضي عن زواجه: هي مش إشاعة وأنا قلت إنى هاتجوز لكن الناس بلوروها، وخمنوا أسامي، بس أنا بتفرج على الحاجات دى زى الناس'.

وعن انتقادات التي طالته قال أحمد العوضي: 'الناس اللى بتنتقد، كل واحد له حق يتكلم زى ما هو عاوز لكن الكلام مش بيغير شيء من الواقع، لأن الرزق والنجاح والفشل مقسومين، والكلام لا هيزود ولا ينقص ومن حق كل واحد يقول اللى عاوز عاوزة وأنا المفروض مزعلش'.

واستكمل العوضي: 'وأنا بتعامل مع الحاجات دى عمرى ما بضايق وطول عمري ببص على اللى بيحبنى بس واخد طاقة الحب منه، ومش بضايق لو حد مش بيحبنى'.

ويشارك أحمد العوضي في موسم رمضان من خلال مسلسل فهد البطل، من تأليف محمود حمدان وإخراج محمد عبد السلام وإنتاج شركة سينرجى، وتدور أحداثه فى إطار شعبى مع خط درامى صعيدى، وبطولة أحمد العوضى، أحمد عبد العزيز، ميرنا نور الدين، لوسى، عصام السقا، محمود البزاوى، يارا السكرى، صفاء الطوخى، صفوة، عزت زين، عايدة رياض، حجاج عبد العظيم، أحمد عبد الله محمود وآخرين.