”دايبين في صوت الست أم كلثوم” تفوق التوقعات.. مدحت العدل يكشف أسرار النجاح

قال الدكتور مدحت العدل، الكاتب والسيناريست ومنتج مسرحية 'دايبين في صوت الست أم كلثوم'، إن النجاح الكبير الذي حققه العرض منذ انطلاقه يعد تتويجًا لعام كامل من التحضيرات المكثفة والبحث عن وجوه شابة قادرة على تقديم تجربة مختلفة.

وأوضح خلال لقائه ببرنامج 'الصورة' مع الإعلامية لميس الحديدي على شاشة 'النهار'، أن فريق العمل بذل أقصى جهده في الإنتاج دون حسابات للتكلفة، مضيفًا: 'في الإنتاج عملنا كل حاجة صح. كانوا بيصرخوا منّي المسؤولين عن الإنتاج، وكنت بقول محدش يكلمني عن فلوس. عملنا ديكورات كتير واترمت، ولما مش تعجبني أقول نغيرها'.

وأضاف: 'كنت عايز المسرحية تطلع زي ما أنا شايفها في خيالي. المهم تطلع صح مهما كانت التكلفة الديكورات اتعملت بالكامل، ولما ما اقتنعتش بيها قلت تتشال ونعمل غيرها، ماليش دعوة بالتكاليف'.

وأشار إلى أن الدافع الأهم وراء إنتاج عرض 'دايبين في صوت الست' يعود إلى أن أم كلثوم ما زالت رمزًا جذابًا لكل الأجيال.

وقال: 'بصفتي رئيس جمعية المؤلفين والملحنين والناشرين، بشوف الإيرادات اللي بتيجي من حق الأداء العلني، ولافت إن بعد خمسين سنة على وفاتها، إيرادات مؤلفيها وملحنيها لسه الأعلى من أي حد'.

وتابع: 'حتى اللي شغالين دلوقتي وبيقولوا عندهم 80 مليون مشاهدة، تفضل أم كلثوم الأعلى بليغ حمدي ومرسي جميل عزيز وأحمد رامي لسه الأعلى في الإيرادات. أغاني زي أنت عمري وألف ليلة وليلة لحد النهاردة بتحقق أرقام كبيرة'.

وأكد أن سر استمرار نجاح تراث أم كلثوم يعود لصدق الأعمال التي قُدمت في زمنها، مضيفًا: 'الكم الهائل من الصدق في صوت أم كلثوم وفي شغل الناس اللي اشتغلوا معاها كان غير مسبوق، دا زمن جميل في كل تفاصيله'.